ഒടുവിൽ എത്തി; ‘ഖുറേഷി അബ്രാം’! ‘എല്‍ 3’ പ്രഖ്യാപിച്ച് മോഹന്‍ലാല്‍

പ്രേക്ഷകർ ആകാംഷയോടെ കാത്തിരിക്കുന്ന ചിത്രമാണ് എമ്പുരാന്‍. ലൂസിഫര്‍ എന്ന ആദ്യഭാഗത്തിന്റെ വിജയം ആയിരുന്നു അതിന് കാരണം. പൃഥ്വിരാജിന്റെ സംവിധാനത്തില്‍ എത്തുന്ന എമ്പുരാനില്‍ ഖുറേഷി അബ്രാം ആയിട്ടാകും മോഹന്‍ലാല്‍ എത്തുക. ഒപ്പം സ്റ്റീഫന്‍ നെടുമ്പള്ളി എന്ന വേഷവും ചിത്രത്തിലുണ്ടാവും. സിനിമയുടെ റിലീസിന് നാളുകള്‍ മാത്രം ശേഷിക്കെ എമ്പുരാന്‍ കഥാപാത്രങ്ങളെ പരിചയപ്പെടുത്തുകയാണ് അണിയറ പ്രവര്‍ത്തകര്‍. ഞെട്ടിക്കുന്ന കഥാപാത്രങ്ങള്‍ക്കൊടുവില്‍ സിനിമയിലെ ഒന്നാമനും ഇപ്പോഴിതാ എത്തിയിരിക്കുകയാണ്.

മോഹന്‍ലാല്‍ അവതരിപ്പിക്കുന്ന ഖുറേഷി അബ്രാം എന്ന കഥാപാത്രത്തിന്റെ വീഡിയോയാണ് പുറത്തുവന്നിരിക്കുന്നത്. ലൂസിഫര്‍ ഫ്രാഞ്ചൈസിയ്ക്ക് മൂന്നാം ഭാഗം ഉണ്ടാകുമെന്നും അതിലേക്ക് നയിച്ച് കൊണ്ടാകും എമ്പുരാന്‍ അവസാനിക്കുകയെന്നും മോഹന്‍ലാല്‍ വീഡിയോയില്‍ പറയുന്നു. ‘ചെകുത്താന്റെ സ്വന്തം നാട്ടിലേക്ക് ഖുറേഷി എങ്ങനെ തിരിച്ചുവരുന്നു’, എന്നതിന്റെ ഉത്തരമാണ് ചിത്രമെന്നും മോഹന്‍ലാ കൂട്ടിച്ചേര്‍ത്തു.