കാട്ടുപന്നി ബൈക്കിന് മുന്നിൽ ചാടി, നിയന്ത്രണം വിട്ട് മറിഞ്ഞ് അപകടം; 2 പേർക്ക് പരിക്ക്

പാലക്കാട്: കാട്ടുപന്നി ബൈക്കിന് മുന്നിലേക്ക് ചാടിയതിനെത്തുടർന്ന് അപകടം. 2 പേർക്ക് പരിക്ക്. മണ്ണാർക്കാട് കച്ചേരിപ്പടിയിലാണ് സംഭവം. അൽത്താഫ്, നന്ദകിഷോർ എന്നിവർക്കാണ് അപകടത്തിൽ പരിക്കേറ്റത്. രാവിലെ ജോലിക്കായി പോകുന്ന വഴി മധ്യേ ഇവരുടെ വാഹനത്തിന് മുന്നിലേക്ക് കാട്ടുപന്നി ചാടുകയായിരുന്നു. തുടന്ന് ബൈക്ക് നിയന്ത്രണം വിട്ട് മറിയുകയും ഇരുവർക്കും പരിക്കേൽക്കുകയും ചെയ്തു. ഇവരുടെ വയറിലും കാലിലുമാണ് പരിക്കുള്ളത്. രണ്ട് പേരെയും മണ്ണാർകാട്ടെ സ്വകാര്യ ആശുപത്രിയിൽ പ്രവേശിപ്പിച്ചു.