ചാമ്പ്യൻസ് ട്രോഫി; ഏതെങ്കിലും ഒരു മത്സരം കാണാന്‍ കുടുംബത്തെ കൊണ്ടുവരാം, നിബന്ധനയില്‍ ഇളവ് അനുവദിച്ച് ബിസിസിഐ

മുംബൈ: മത്സര വേദികളിലേക്ക് കുടുംബത്തെ കൂടെ കൂട്ടാനാവില്ലെന്ന നിബന്ധനയില്‍ ഇളവ് അനുവദിച്ച് ബിസിസിഐ. ചാമ്പ്യൻസ് ട്രോഫി ടൂര്‍ണമെന്‍റിന് നാളെ പാകിസ്ഥാനില്‍ തുടങ്ങാനിരിക്കെയാണ് പുതിയ ഉത്തരവ്. ചാമ്പ്യൻസ് ട്രോഫിക്കായി ദുബായിലുള്ള ഇന്ത്യൻ ടീമിന് ഏതെങ്കിലും ഒരു മത്സരം കാണാന്‍ മാത്രം കുടുംബത്തെ കൊണ്ടുവരാമെന്നാണ് നിർദേശം. ഇതിനായി ക്രിക്കറ്റ് ബോര്‍ഡില്‍ നിന്ന് മുന്‍കൂര്‍ അനുമതി നേടണം. കഴിഞ്ഞ മത്സരങ്ങളിലെ മോശം പ്രകടനങ്ങളെ തുടർന്നാണ് കളിക്കാരുടെ മേല്‍ ബിസിസിഐ നിയന്ത്രണം കടുപ്പിച്ചത്.