പാഠ്യപദ്ധതി പരിഷ്കരണങ്ങളിലെ കാലതാമസം കാരണം ;2024-25 അധ്യയന വർഷത്തിൽ എൻ.സി.ഇ.ആർ.ടി പാഠപുസ്തകങ്ങൾ വൈകും

പാഠ്യപദ്ധതി പരിഷ്കരണങ്ങളിലെയും അച്ചടിനടപടികളിലെയും കാലതാമസം കാരണം 2024-25 അധ്യയന വർഷത്തിൽ എൻ.സി.ഇ.ആർ.ടി. പാഠപുസ്തകങ്ങൾ ലഭിക്കാൻ കാത്തിരിക്കേണ്ടിവരും. മൂന്ന്, ആറ്്, ഒമ്പത്, പതിനൊന്നു ക്ലാസുകൾക്കായി പുതിയ പുസ്തകങ്ങൾ അവതരിപ്പിക്കാൻ വിദ്യാഭ്യാസ മന്ത്രാലയം തീരുമാനിച്ചെങ്കിലും പാഠ്യപദ്ധതി ഇതുവരെ അന്തിമമാക്കിയിട്ടില്ല. പാഠ്യപദ്ധതി തയ്യാറായശേഷം ഇനി ഓരോ പുസ്തകത്തിന്റെയും കൈയെഴുത്തുപ്രതികൾ ഇറക്കണം. ഇത് വിദ്യാഭ്യാസ വിദഗ്ധർ അന്തിമമാക്കിയശേഷം എൻ.സി.ഇ.ആർ.ടി. പ്രസിദ്ധീകരണ വിഭാഗത്തിലേക്ക് അയക്കും.