തൊഴില്‍മേളയിൽ 225 ഉദ്യോഗാര്‍ത്ഥികള്‍ പങ്കെടുത്തു

പാലക്കാട് : കുടുംബശ്രീ ജില്ലാ മിഷന്റെ ആഭിമുഖ്യത്തില്‍ ഡി ഡി യു ജി കെ വൈ പദ്ധതിയുടെ ഭാഗമായി ബ്ലോക്ക് തല തൊഴില്‍ മേള ‘കണക്ട് 25’ ജനുവരി പാലക്കാട് ബ്ലോക്ക് പഞ്ചായത്ത് ഹാളില്‍ നടന്നു. ബ്ലോക്ക് പഞ്ചായത്ത് വൈസ് പ്രസിഡന്റ് സുഷമ തൊഴില്‍മേള ഉദ്ഘാടനം ചെയ്തു. വിവിധ മേഖലയിലുള്ള 14 കമ്പനികള്‍ പങ്കെടുത്ത മേളയില്‍ 225 ഓളം ഉദ്യോഗാര്‍ത്ഥികള്‍ അഭിമുഖത്തില്‍ പങ്കെടുത്തു. 128 പേരെ ഷോര്‍ട് ലിസ്റ്റ് ചെയ്തു.

വികസനകാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ പ്രിയ അധ്യക്ഷത വഹിച്ച ചടങ്ങില്‍ പറളി കുടുംബശ്രീ സി ഡി എസ് ചെയര്‍പേഴ്‌സണ്‍ ധന്യ, കുടുംബശ്രീ ജില്ലാ പ്രോഗ്രാം മാനേജര്‍ പ്രിയങ്ക തുടങ്ങിയവര്‍ പങ്കെടുത്തു.