ചിയാന്‍ വിക്രം ചിത്രം, ‘വീര ധീര ശൂരന്‍’ ന്റെ റിലീസ് തീയതി പ്രഖ്യാപിച്ചു

ചിയാന്‍ വിക്രത്തെ നായകനാക്കി എസ് യു അരുണ്‍ ഒരുക്കുന്ന പുതിയ ചിത്രമായ ‘വീര ധീര ശൂരന്‍’ ന്റെ റിലീസ് തീയതി പ്രഖ്യാപിച്ചു. ആക്ഷന്‍ ത്രില്ലര്‍ ഗണത്തില്‍ പെടുന്ന ചിത്രത്തിന്റെ ആഗോള റിലീസ് മാര്‍ച്ച് 27 ന് ആണ്.

എസ് ജെ സൂര്യ, സുരാജ് വെഞ്ഞാറമൂട്, ദുഷാര വിജയന്‍ തുടങ്ങിയവര്‍ കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രത്തിന്റെ ഛായാഗ്രഹണം തേനി ഈശ്വര്‍ ആണ് നിര്‍വഹിച്ചിരിക്കുന്നത്. ജി കെ പ്രസന്ന (എഡിറ്റിംഗ്), സി എസ്. ബാലചന്ദര്‍ (കല) എന്നിവരാണ് ഈ ചിത്രത്തിലെ പ്രധാന സാങ്കേതിക വിദഗ്ധര്‍. സൗത്ത് ഇന്ത്യയിലെ പ്രമുഖ നിര്‍മ്മാണ, വിതരണ കമ്പനിയായ എച്ച് ആര്‍ പിക്ചേഴ്സിന്റെ ബാനറില്‍ റിയ ഷിബുവാണ് വീര ധീര ശൂരന്റെ നിര്‍മാണം. ചിത്രീകരണം പൂര്‍ത്തീകരിച്ച ശേഷം സിനിമയുടെ പോസ്റ്റ് പ്രൊഡക്ഷന്‍ ജോലികള്‍ പുരോഗമിക്കുകയാണ്.