കാറില്‍ ലിഫ്റ്റ് ചോദിച്ചു കയറിയതിനുശേഷം പീഡിപ്പിച്ചെന്നാരോപിച്ചു പണം തട്ടാന്‍ ശ്രമം; യുവതി പിടിയിൽ

യുവതിയുടെ അപ്രതീക്ഷിത പ്രതികരണത്തില്‍ ഭയന്ന ഡ്രൈവര്‍ പണം എടിഎമ്മില്‍ നിന്ന് എടുത്തുതരാമെന്നു പറഞ്ഞ് യുവതിയെ സമാധാനിപ്പിച്ചു. യാത്രക്കിടെ കാര്‍ സമീപത്തെ പൊലീസ് സ്റ്റേഷനിലേക്ക് ഓടിച്ചുകയറ്റി. ഡ്രൈവര്‍ തനിക്കുണ്ടായ അനുഭവം വിവരിച്ചതോടെ പൊലീസ് യുവതിയെ തടഞ്ഞുവച്ചു. വാഹനങ്ങളില്‍ ലിഫ്റ്റ് ചോദിച്ചുകയറി ഭീഷണിപ്പെടുത്തി പണം തട്ടുന്നതു പതിവാക്കിയ ഇവര്‍ക്കിതിരെ നഗരത്തിലെ വിവിധ സ്റ്റേഷനുകളിലായി 47 കേസുകളുണ്ടെന്നു ജൂബിലി ഹില്‍സ് പൊലീസ് കണ്ടെത്തി. കോടതിയില്‍ ഹാജരാക്കിയ സാദിയയെ കോടതി റിമാന്‍ഡ് ചെയ്തു.