എംപ്ലോയബിലിറ്റി സെന്റര്‍ രജിസ്‌ട്രേഷന്‍ 18ന്

ആലപ്പുഴ ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ ഭാഗമായ എംപ്ലോയബിലിറ്റി സെന്ററിന്റെ ആഭിമുഖ്യത്തില്‍ മാവേലിക്കര താലൂക്കിലെ ഉദ്യോഗാര്‍ഥികള്‍ക്കായി രജിസ്‌ട്രേഷന്‍ ക്യാമ്പ് ജനുവരി 18 ന് ശനിയാഴ്ച്ച മാവേലിക്കര ടൗണ്‍ എംപ്ലോയ്‌മെന്റ് എക്‌സ്‌ചേഞ്ചില്‍ നടക്കും. 35 വയസ്സില്‍ താഴെ പ്രായമുളളവരും പ്ലസ്ടു അല്ലെങ്കില്‍ തത്തുല്യം ഐടിഐ/ഐറ്റിസി മിനിമം യോഗ്യതയുള്ളവരുമായ ഉദ്യോഗാര്‍ഥികള്‍ക്കാണ് രജിസ്റ്റര്‍ ചെയ്യാനുളള അവസരം. രജിസ്റ്റര്‍ ചെയ്ത ഉദ്യോഗാര്‍ഥികള്‍ക്ക് എംപ്ലോയ്‌മെന്റ് എക്‌സ്‌ചേഞ്ച് മുഖാന്തിരം ആഴ്ചതോറും വ്യത്യസ്ത സ്വകാര്യ സ്ഥാപനങ്ങളിലേയ്ക്ക് നടത്തുന്ന അഭിമുഖങ്ങളില്‍ പങ്കെടുക്കാം. യോഗ്യരായവര്‍ അന്നേ ദിവസം ബയോഡാറ്റാ, 250 രൂപ സര്‍ട്ടിഫിക്കറ്റുകളുടെ പകര്‍പ്പ് എന്നിവ സഹിതം രാവിലെ 10 മണിക്ക് മാവേലിക്കര എംപ്ലോയ്‌മെന്റ് എക്‌സ്‌ചേഞ്ചില്‍ എത്തിച്ചേരണം. കൂടുതല്‍ വിവരങ്ങള്‍ക്ക് ഫോണ്‍: 0477-2230624, 8304057735,0479-2344301.