ഗ്യാൻവാപി: സര്‍വേ റിപ്പോര്‍ട്ട് പരസ്യമാക്കരുതെന്ന അപേക്ഷയില്‍ വാരണാസി ജില്ലാ കോടതി ഇന്ന് തീരുമാനമെടുക്കും

കൃത്യമായ കാരണം പറയാതെയാണ് ആര്‍ക്കിയോളജിക്കല്‍ സര്‍വേ ഓഫ് ഇന്ത്യ (എ.എസ്.ഐ) ജില്ലാ ജഡ്ജിയോട് റിപ്പോര്‍ട്ട്‌ പുറത്തുവിടരുതെന്ന് ആവശ്യപ്പെട്ടത്. റിപ്പോര്‍ട്ട് പരസ്യപ്പെടുത്തിയാല്‍ പലതരത്തിലുള്ള പ്രശ്നങ്ങള്‍ ഉണ്ടാകുമെന്നും എ.എസ്.ഐ പറഞ്ഞിരുന്നു.

റിപ്പോര്‍ട്ട് പരസ്യപ്പെടുത്തിയാല്‍ മാത്രമെ ഇരുവിഭാഗങ്ങള്‍ക്കും ഇതുമായി ബന്ധപ്പെട്ട് റിപ്പോര്‍ട്ട് സമര്‍പ്പിക്കാനാവുകയുള്ളു.

വാരാണസിയില്‍ ഗ്യാൻവാപി മസ്ജിദ് പൊളിച്ച്‌ ക്ഷേത്രം നിര്‍മിക്കണമെന്ന് ആവശ്യപ്പെട്ടുള്ള കേസ് നിലനില്‍ക്കില്ലെന്ന് വ്യക്തമാക്കി മുസ്‍ലിം പക്ഷത്തെ നിരവധി ഹരജികള്‍ ഡിസംബര്‍ 19ന് അലഹബാദ് ഹൈകോടതി തള്ളിയിരുന്നു.