ഇന്ത്യക്കാരുടെ വിവരങ്ങൾ കർശനമായി പരിശോധിക്കും ; തൊഴിൽ വിസയിൽ പുതിയ നടപടിയുമായി സൗദി

തൊഴില്‍ വിസയ്ക്ക് അപേക്ഷിക്കുന്ന ഇന്ത്യക്കാരുടെ വിവരങ്ങൾ കർശനമായി പരിശോധിക്കാൻ ഒരുങ്ങി സൗദി.തൊഴില്‍ വിസകള്‍ നല്‍കുന്നതിനുള്ള പ്രൊഫഷണല്‍ വെരിഫിക്കേഷന്‍ നടപടിക്രമങ്ങള്‍ ജനുവരി 14 മുതല്‍ നടപ്പാക്കുമെന്ന് ഇന്ത്യയിലെ സൗദി മിഷന്‍ സര്‍ക്കുലറില്‍ അറിയിച്ചു.

രാജ്യത്തെ യോഗ്യതയുള്ള പരിശീലന കേന്ദ്രങ്ങളുടെ പരിമിതമായ ശേഷി കണക്കിലെടുത്ത് ഇന്ത്യന്‍ തൊഴിലാളികളുടെ എണ്ണം നിയന്ത്രിക്കുന്നതിനും ഗുണനിലവാരം നിലനിര്‍ത്തുന്നതിനുമുള്ള ഒരു തന്ത്രമെന്ന നിലയിലാണ് പ്രീ-വെരിഫിക്കേഷന്‍ ആവശ്യകത നിര്‍ബന്ധമാക്കുന്നത്.

സൗദി അറേബ്യയുടെ തൊഴില്‍ വിപണിയിലേക്കുള്ള സുഗമമായ പ്രവേശനം സുഗമമാക്കുന്നതിനും തൊഴിലാളികളെ നിലനിര്‍ത്തുന്നതിനുള്ള നിരക്ക് മെച്ചപ്പെടുത്തുന്നതിനും ഇത് ലക്ഷ്യമിടുന്നു.പുതിയ നിയമങ്ങള്‍ പ്രകാരം, പ്രവാസി ജീവനക്കാര്‍ നല്‍കുന്ന സര്‍ട്ടിഫിക്കറ്റുകളും വിവരങ്ങളും പരിശോധിക്കാന്‍ സ്ഥാപന ഉടമകളും എച്ച്ആര്‍ വകുപ്പുകളും നിര്‍ബന്ധിതരാകും. കൂടാതെ, എക്‌സിറ്റ്, റീ-എന്‍ട്രി വിസ എക്സ്റ്റന്‍ഷന്‍, ഇഖാമകള്‍ (റെസിഡന്‍സി പെര്‍മിറ്റുകള്‍) പുതുക്കല്‍ എന്നിവ സംബന്ധിച്ച പ്രവാസികള്‍ക്കുള്ള നിയമങ്ങളും സൗദി അറേബ്യ പരിഷ്‌കരിച്ചിട്ടുണ്ട്..