ആറുവയസുകാരിയെ തെരുവുനായ ഓടി വന്ന് കടിച്ചു

ഹരിപ്പാട്: കരുവാറ്റയിൽ തെരുവ് നായയുടെ ആക്രമണത്തിൽ ഒന്നാം ക്ലാസുകാരിക്ക് ഗുരുതര പരിക്ക്. തൈത്തടത്തിൽ സുനീഷ് – മാളു ദമ്പതികളുടെ മകൾ കൽഹയ്ക്കാണ് (6) പരിക്കേറ്റത്.

കഴിഞ്ഞ ദിവസം വൈകുന്നേരം 6 മണിയോടെ ഭക്ഷണം കഴിച്ചതിനു ശേഷം വീടിന് പുറത്തേക്ക് ഇറങ്ങുമ്പോൾ നായ ഓടി വന്ന് ആക്രമിക്കുകയായിരുന്നു. മുഖത്ത് പരിക്കേറ്റ കൽഹയെ വണ്ടാനം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. കുഴിക്കാട് ഇ എ എൽപിഎസ് വിദ്യാർത്ഥിനിയാണ് കൽഹ.