രാജ്യത്തെ പൊതുമേഖലാ ബാങ്കുകളില്‍ കിട്ടാക്കടത്തിന്റെ തോത് കുറയുന്നു

കഴിഞ്ഞ മൂന്നുവര്‍ഷത്തെ കണക്കനുസരിച്ച് രാജ്യത്തെ പൊതുമേഖലാ ബാങ്കുകളില്‍ കിട്ടാക്കടത്തിന്റെ തോത് കുറഞ്ഞുവരികയാണ്. കാര്‍ഷിക, അനുബന്ധ മേഖലയിലെ കിട്ടാക്കടം 12 പൊതുമേഖലാ ബാങ്കുകളിലുമായി 2021-22ല്‍ 25967 കോടിയായിരുന്നത് 2022-23-ല്‍ 25692 കോടിയായി കുറഞ്ഞു. ഈ സാമ്പത്തികവര്‍ഷം സെപ്റ്റംബര്‍ 30 വരെ ഇത് 13,204 കോടി മാത്രമാണ്. വ്യവസായമേഖലയിലും കുറഞ്ഞുവരുന്ന പ്രവണതയാണ്. 2021-22ല്‍ 35,688 കോടിയായിരുന്നത് 2022-23ല്‍ 21,746 കോടിയായി കിട്ടാക്കടം കുറഞ്ഞു. ഈ വര്‍ഷം സെപ്റ്റംബര്‍ 30 വരെ 8992 കോടിയാണ്.