വീടിനുള്ളിൽ യുവാവ് മരിച്ച നിലയിൽ

കൊച്ചി: രണ്ട് ദിവസമായി വീട്ടിൽ ആളനക്കമില്ല, പരിശോധനയിൽ യുവാവിനെ മരിച്ച നിലയിൽ കണ്ടെത്തി. തൃപ്പൂണിത്തുറ എസ്. എൻ. ജങ്ഷന് സമീപം കോൺവെൻ്റ് റോഡിൽ വാരിയംപുറം പുന്നവയലിൽ വീട്ടിൽ 45 കാരനായ ജീവൻ നെയാണ് മരിച്ച നിലയിൽ കണ്ടെത്തിയത്. ആളനക്കമില്ലാത്തതിനാൽ ശനിയാഴ്ച ഉച്ചയോടെ അയൽവാസികൾ പരിശോധന നടത്തിയെങ്കിലും വീട് അകത്ത് നിന്ന് പൂട്ടിയിരുന്നതിനാൽ തൃപ്പൂണിത്തുറ ഹിൽപാലസ് പൊലീസിനെ വിവരമറിയിച്ചു.

പൊലീസ് സ്ഥലത്തെത്തി വാതിൽ തുറക്കാൻ ശ്രമിച്ചെങ്കിലും സാധിച്ചില്ല. ഇതോടെ ഫയർഫോഴ്സിനെ ഇവിടേക്ക് വരുത്തി. പിന്നീട് വീടിന്റെ വാതിൽ പൊളിച്ച് പൊലീസ് അകത്തുകയറി. ഈ സമയത്ത് ജീവനെ മരിച്ചു കിടക്കുന്ന നിലയിൽ കണ്ടെത്തുകയായിരുന്നു. ജീവൻ വിവാഹിതനാണെങ്കിലും ഭാര്യയും മകളും പിണങ്ങി മാറി താമസിക്കുകയാണ്. തൃപ്പൂണിത്തുറയിലെ വീട്ടിൽ ഇയാൾ ഒറ്റയ്ക്കാണ് താമസിച്ചിരുന്നത്.