അനധികൃതമായി കടത്തിക്കൊണ്ടുവന്നത് 21 ലിറ്റർ മാഹി മദ്യം

വടകര: സ്കൂട്ടറിൽ അനധികൃതമായി കടത്തിക്കൊണ്ടുവന്ന മദ്യവുമായി യുവാവ് പിടിയിൽ. കണ്ണൂർ പലയാട് സ്വദേശി മിഥുൻ തോമസിനെയാണ് എക്സൈസ് അറസ്റ്റ് ചെയ്തത്. വടകരയിൽ എക്സൈസ് നടത്തിയ പരിശോധനയിലാണ് 21 ലിറ്റർ മാഹി മദ്യം ഇയാളിൽ നിന്നും കണ്ടെത്തിയത്. മാഹിയിൽ നിന്നും മദ്യം വിൽപ്പനയ്ക്കായി കോഴിക്കോടേയ്ക്ക് സ്കൂട്ടറിൽ കടത്തിക്കൊണ്ടുവരുമ്പോഴാണ് ഇയാൾ പിടിയിലായതെന്ന് എക്സൈസ് സംഘം പറഞ്ഞു.

വടകരയിൽ എക്സൈസിന്‍റെ വാഹന പരിശോധനയ്ക്കിടെയാണ് മിഥുൻ തോമസിനെ പിടികൂടുന്നത്. സംശയം തോന്നി സ്കൂട്ടറിൻ്റെ സീറ്റ് തുറന്ന് പരിശോധിച്ചപ്പോൾ 21 ലിറ്റർ മാഹി മദ്യം കണ്ടെത്തുകയായിരുന്നു. കോഴിക്കോടേക്ക് മുമ്പും ഇയാൾ മദ്യം എത്തിച്ചിരുന്നെന്നാണ് സൂചന.