അറ്റകുറ്റപ്പണിക്കായി കയറിയ വൈദ്യുതപോസ്റ്റിൽ നിന്ന് ഷോക്കേറ്റു; കരാർ ജീവനക്കാർക്ക് ദാരുണാന്ത്യം

ചെന്നൈ: വൈദ്യുതപോസ്റ്റിൽ അറ്റകുറ്റപ്പണിക്കിടെ ഷോക്കേറ്റ് രണ്ട് ജീവനക്കാർ മരിച്ചു. തിരുച്ചിറപ്പള്ളി മണൈപ്പാറൈ സ്വദേിശികളായ മാണിക്കം, കലൈമാണി എന്നിവരാണ് മരിച്ചത്. തിരുച്ചിറപ്പള്ളി ഒലയൂരിലെ വൈദ്യുത പോസ്റ്റിലാണ് അപകടം ഉണ്ടായത്. ഇന്ന് രാവിലെയാണ് കരാ‍ർ ജീവനക്കാരായ ഇവര്‍ അറ്റകുറ്റപ്പണിക്കായി ഇവിടെ എത്തിയത്.

ഇവർ പോസ്റ്റിലുണ്ട് എന്നറിയാതെ ലൈൻ ഓണാക്കിയതാണ് ദുരന്തത്തിന് കാരണമെന്നാണ് പുറത്തുവരുന്ന വിവരം. സ്ഥലത്തെത്തിയ ബന്ധുക്കളും നാട്ടുകാരും പ്രതിഷേധിച്ചു. സംഭവത്തിൽ അന്വേഷണം നടത്തുമെന്ന് വൈദ്യുതി വകുപ്പ അറിയിച്ചിട്ടുണ്ട്.

ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചതിനെ തുടർന്ന് വൻപ്രതിഷേധമാണ് ഉയരുന്നത്. ഉത്തരവാദിത്വ രഹിതമായി ഇത്തരം ജോലികൾ കൈകാര്യം ചെയ്യുന്നതിനെതിരെ സമൂഹമാധ്യമങ്ങളിൽ വൻ പ്രതിഷേധമുയരുന്നുണ്ട്.