ക്രിസ്മസ് ആഘോഷമാക്കാൻ ബറോസ്‌ എത്തുന്നു

മലയാളത്തിന്റെ മഹാനാടൻ മോഹന്‍ലാല്‍ ആദ്യമായി സംവിധായകന്റെ കുപ്പായം അണിയുന്ന ബറോസ് റിലീസിന് ഒരുങ്ങുകയാണ്. വലിയ ബഡ്ജറ്റില്‍ 3ഡി യിലാണ് ചിത്രം ഒരുങ്ങുന്നത്.

ബറോസിന് അതിരാവിലെ ഫാന്‍സ് ഷോകള്‍ ഇല്ല . ചിത്രത്തിന്റെ ആദ്യ ഷോകള്‍ കേരളത്തിലെ എല്ലാ റിലീസ് കേന്ദ്രങ്ങളിലും രാവിലെ 9.30ന് ആരംഭിക്കും എന്നാണ് റിപ്പോര്‍ട്ട്. ഇന്ത്യയിലെ മറ്റ് കേന്ദ്രങ്ങളിലും ഇതേ സമയക്രമമായിരിക്കും എന്നാണ് സൂചന.

ഡിസംബര്‍ 25 ന് ക്രിസ്തുമസ് റിലീസായിട്ടാണ് ബറോസ് തിയേറ്ററിലെത്തുന്നത്. ‘മൈ ഡിയര്‍ കുട്ടിച്ചാത്തന്‍’ സംവിധാനം ചെയ്ത ജിജോയുടെ കഥയെ ആസ്പദമാക്കി മോഹന്‍ലാല്‍ ഒരുക്കുന്ന ചിത്രമാണ് ബറോസ്.

മോഹന്‍ലാല്‍ തന്നെയാണ് സിനിമയിലെ പ്രധാന കഥാപാത്രമായ ബറോസിനെ അവതരിപ്പിക്കുന്നത്. സന്തോഷ് ശിവന്‍ ക്യാമറയും സന്തോഷ് രാമന്‍ പ്രൊഡക്ഷന്‍ ഡിസൈനും നിര്‍വഹിക്കുന്നു. സംവിധായകന്‍ ടി കെ രാജീവ് കുമാറാണ് ക്രിയേറ്റീവ് ഹെഡ്. ആന്റണി പെരുമ്പാവൂരാണ് ചിത്രത്തിന്റെ നിര്‍മാണം.