വന്യജീവിയുടെ ആക്രമണത്തിൽ ആട് ചത്തു

തോപ്രാംകുടി : വാത്തിക്കുടി പഞ്ചായത്തിലെ ദൈവമേട്ടിൽ വന്യജീവിയുടെ ആക്രമണത്തിൽ മൂന്ന് ആട് ചത്തു. ഒന്നിന് ഗുരുതരമായി പരിക്കേറ്റു. പുന്നമറ്റത്തിൽ സെബിന്റെ നാല് ആടുകളെയാണ് അജ്ഞാതജീവി ആക്രമിച്ചത്. ഒരുലക്ഷം രൂപയുടെ നഷ്ടമുണ്ടായതായി സെബിൻ പറഞ്ഞു.

വനം വകുപ്പ് അയ്യപ്പൻകോവിൽ റേഞ്ച് ഓഫീസ് ഉദ്യോഗസ്ഥർ സ്ഥലത്ത് പരിശോധന നടത്തി. കാട്ടുനായ്ക്കളുടെ വിഭാഗത്തിൽപ്പെട്ട ജീവിയാണ് ആടുകളെ കൊന്നതെന്ന് വന്യജീവി വിദഗ്ധൻ പറഞ്ഞു.കഴിഞ്ഞ ദിവസങ്ങളിൽ സമീപപ്രദേശത്തെ മറ്റ് വീടുകളിലും ആക്രമണം ഉണ്ടായത്.