കാറും ബസും കൂട്ടിയിടിച്ച് അഞ്ചുപേർക്ക് പരിക്ക്

പാമ്പാടി : ചേന്നംപള്ളിയിൽ സ്വകാര്യബസും കാറും കൂട്ടിയിടിച്ച് അഞ്ചുപേർക്ക് പരിക്കേറ്റു. തമ്പലക്കാട് സ്വദേശികൾ സഞ്ചരിച്ച കാറാണ് അപകടത്തിൽപ്പെട്ടത്.

വെള്ളിയാഴ്ച ഉച്ചയ്ക്ക് ഒന്നരയോടെയായിരുന്നു അപകടം ഉണ്ടായത്. കോട്ടയത്ത് നിന്നും മുണ്ടക്കയത്തിനുപോയ മുബാറക് ബസും കോട്ടയത്തിന് പോകുകയായിരുന്ന കാറുമാണ് കൂട്ടിയിടിച്ചത്.

പരിക്കേറ്റവരെ പാമ്പാടി താലൂക്ക് ആശുപത്രിയിൽ പ്രവേശിപ്പിച്ചു. ബസിന്റെ അമിതവേഗമാണ് അപകടത്തിന് കാരണമെന്നാണ് പ്രാഥമിക നിഗമനം. പാമ്പാടി പോലീസ് സ്ഥലത്തെത്തി മേൽ നടപടികൾ സ്വീകരിച്ചു.