പൗരത്വനിയമത്തിന്റെ ചട്ടങ്ങൾ ലോക്‌സഭാ തിരഞ്ഞെടുപ്പ് പ്രഖ്യാപനത്തിനുമുമ്പ് വിജ്ഞാപനം ചെയ്തേക്കും

പൗരത്വനിയമത്തിന്റെ ചട്ടങ്ങൾ ലോക്‌സഭാ തിരഞ്ഞെടുപ്പ് പ്രഖ്യാപനത്തിനുമുമ്പ് വിജ്ഞാപനം ചെയ്തേക്കും.ബംഗ്ലാദേശ്, പാകിസ്താൻ, അഫ്ഗാനിസ്താൻ എന്നീ രാജ്യങ്ങളിൽ മതവിവേചനം നേരിടുന്ന മുസ്‍ലിം ഇതര ന്യൂനപക്ഷങ്ങൾക്ക് ഇന്ത്യയിൽ അഭയംതേടിയാൽ പൗരത്വം നൽകുന്നതിനുള്ള വ്യവസ്ഥകളാണ് പൗരത്വനിയമത്തിന്റെ ഉള്ളടക്കം. ഈ മൂന്ന് രാജ്യങ്ങളിൽനിന്ന് 2014 ഡിസംബർ 31 വരെ ഇന്ത്യയിലെത്തിയ ഹിന്ദു, സിഖ്, ബുദ്ധമതക്കാർ, പാഴ്‌സികൾ, ക്രിസ്ത്യാനികൾ എന്നിവർക്ക് പൗരത്വം നൽകാനാണ് ബിൽ സർക്കാർ പാർലമെന്റിൽ അവതരിപ്പിച്ച് പാസാക്കിയത്. എന്നാൽ, ഡൽഹി, യു.പി. എന്നിവിടങ്ങളിൽ കടുത്ത പ്രതിഷേധമുയർന്നു. പ്രതിഷേധം അക്രമാസക്തമായ പ്രക്ഷോഭവുമായി.