‘ഗോവയിലെ മദ്യ ഷോപ്പില്‍ നിന്ന് മദ്യം വാങ്ങിയത് ഞാൻ തന്നെ’; അല്ലു അര്‍ജുന്‍

തെന്നിന്ത്യന്‍ താരങ്ങളിൽ ഇന്‍സ്റ്റഗ്രാമിലടക്കം ഏറ്റവും കൂടുതല്‍ ഫോളോവേഴ്‌സുള്ള താരമാണ് അല്ലു അര്‍ജുന്‍. അത് കൂടതെ വലിയൊരു ആരാധകവൃന്ദവും ഉണ്ട്. താനുമായി ബന്ധപ്പെട്ട് 2017-മുതല്‍ പ്രചരിക്കുന്ന ഒരു ദൃശ്യത്തില്‍ എന്താണ് സംഭവിച്ചത് എന്നതില്‍ പ്രതികരണവുമായി എത്തിയിരിക്കുകയാണ് അല്ലു അര്‍ജുന്‍ ഇപ്പോൾ.

ഗോവയിലെ ഒരു പ്രാദേശിക മദ്യ ഷോപ്പില്‍ നിന്ന് അല്ലു അര്‍ജുന്‍ മദ്യം വാങ്ങുന്നതാണ് വീഡിയോയിലുള്ളത്. ഇത് അല്ലു അര്‍ജുന്‍ തന്നെയാണെന്നും അല്ലെന്നുമുള്ള വാദങ്ങളായിരുന്നു നടന്നിരുന്നത്. എന്നാല്‍ താന്‍ തന്നെയാണ് വീഡിയോയില്‍ ഉളളതെന്നും മദ്യം വാങ്ങുതെന്നും താരം വെളിപ്പെടുത്തിയിരിക്കുകയാണ്.

പുറത്തിറങ്ങാനിരിക്കുന്ന പുഷ്പ 2- മായി ബന്ധപ്പെട്ട് നല്‍കിയ അഭിമുഖത്തിനിടെയാണ് ഏഴ് വര്‍ഷംമുൻപ് നടന്ന സംഭവത്തിൽ താരം പ്രതികരിച്ചത്. തന്റെ സുഹൃത്തിനായാണ് മദ്യം വാങ്ങിയതെന്നാണ് താരത്തിന്റെ വിശദീകരണം.

മദ്യഷോപ്പിനടുത്തുളള സിസിടിയില്‍ പതിഞ്ഞ ദൃശ്യങ്ങളാണ് കഴിഞ്ഞ കുറേ വര്‍ഷങ്ങളായി പ്രചരിച്ചിരുന്നത്. മാതൃകയാകേണ്ട താരത്തെ മദ്യഷോപ്പില്‍ കണ്ടത് ചില ആരാധകരെ അസ്വസ്ഥരാക്കിയിരുന്നു.