കേരളത്തിന്റെ ചരിത്രത്തിലെ ഏറ്റവും ശ്രദ്ധേയമായ ശാസ്ത്രമേള ; സജി ചെറിയാന്‍

ആലപ്പുഴ : കേരളത്തിന്റെ ചരിത്രത്തിലെ ഏറ്റവും ശ്രദ്ധേയവും വ്യത്യസ്തവുമായ ശാസ്ത്രമേളയയാണ് ആലപ്പുഴയില്‍ സംഘടിപ്പിക്കുന്നതെന്ന് സംഘാടക സമിതി ചെയര്‍മാന്‍ കൂടിയായ ഫിഷറീസ്, സാംസ്‌കാരിക വകുപ്പ് മന്ത്രി സജി ചെറിയാന്‍ പറഞ്ഞു.

സംസ്ഥാനസ്‌കൂള്‍ ശാസ്‌ത്രോത്സവത്തിന്റെയും വൊക്കേഷണല്‍ എക്‌സ്‌പോയുടെയും ഉദ്ഘാടന ചടങ്ങില്‍ വിശിഷ്ടാതിഥിയായി സംസാരിക്കുകയായിരുന്നു മന്ത്രി. കഴിഞ്ഞ ഒരു മാസമായി ജില്ലയിലെ അധ്യാപകരും ജനപ്രതിനിധികളും സ്‌കൂള്‍ ശാസ്‌ത്രോത്സവം ഏറ്റവും മികവുറ്റ രീതിയില്‍ നടത്താന്‍ കഠിന പരിശ്രമമാണ് നടത്തുന്നതെന്നും മന്ത്രി പറഞ്ഞു.

കേരളത്തിലും ഇന്ത്യയിലും അറിയപ്പെടുന്ന ശാസ്ത്രജ്ഞര്‍ പങ്കെടുക്കുന്ന സംവാദ സദസ്സ്, കലാപരിപാടികള്‍, സാംസ്‌ക്കാരിക പരിപാടികളടക്കം വിപുലമായ പരിപാടികളാണ് ശാസ്‌ത്രോത്സവത്തിന്റെ ഭാഗമായി സംഘടിപ്പിച്ചിരിക്കുന്നതെന്നും മന്ത്രി പറഞ്ഞു.