ദേവസ്വം ബോർഡിൽ സർട്ടിഫിക്കറ്റ് പരിശോധന

കൊച്ചി : തിരുവിതാംകൂർ ദേവസ്വം ബോർഡിൽ സർട്ടിഫിക്കറ്റ് പരിശോധന.നാദസ്വരം കം വാച്ചർ (കാറ്റഗറി നം.04/2023), തകിൽ കം വാച്ചർ (കാറ്റഗറി നം 05/2023) തസ്തികകളിലേക്ക് ദേവജാലിക പ്രൊഫൈൽ മുഖേന അപേക്ഷ സമർപ്പിച്ച ഉദ്യോഗാർഥികളുടെ സർട്ടിഫിക്കറ്റ് പരിശോധന നടത്തുന്നത്.

നവംബർ 26 രാവിലെ 10 മുതൽ തിരുവനന്തപുരം നന്തൻകോട് തിരുവിതാംകൂർ ദേവസ്വം ബോർഡ് ആസ്ഥാനത്തുള്ള സുമംഗലി ആഡിറ്റോറിയത്തിലാണ് നടക്കുക.

അപേക്ഷ സമർപ്പിച്ച ഉദ്യോഗാർഥികൾ 10 മണിക്ക് മുമ്പായി ആവശ്യമായ സർട്ടിഫിക്കറ്റുകളുടെ അസലും പകർപ്പും സഹിതം നേരിട്ട് ഹാജരാകണം.