രാഹുൽ ഗാന്ധിയുടെ പരിപാടിയിൽ വിതരണം ചെയ്ത‌ ഭരണഘടനയിൽ ഉള്ളടക്കത്തിന് പകരം വെള്ളക്കടലാസ് മാത്രം; വിമർശനവുമായി ബി.ജെ.പി

മുംബൈ: ഭരണഘടനാ സംരക്ഷണത്തെ കുറിച്ച് രാഹുൽ ഗാന്ധിയുടെ നേതൃത്വത്തിൽ സംഘടിപ്പിച്ച പരിപാടിയിൽ വിതരണം ചെയ്ത ഭരണഘടനയിൽ ഉള്ളടക്കമില്ല വെള്ളക്കടലാസ് മാത്രമാണെന്ന ആരോപണവുമായി ബി.ജെ.പി. മഹാരാഷ്ട്രയിലെ നാഗ്‌പുരിൽ സംഘടിപ്പിച്ച പരിപാടിയിൽ വിതരണം ചെയ്ത‌ ഭരണഘടനയിലാണ് ഉള്ളടക്കത്തിന് പകരം വെള്ളക്കടലാസ് മാത്രമുള്ളത്

കോൺഗ്രസ് വിതരണം ചെയ്ത ഭരണഘനയിൽ ആമുഖം ഒഴികെ മറ്റൊന്നും ഇല്ലെന്നാണ് ആരോപണം. രാഹുൽ പരിപാടിയിൽ കൊണ്ടുവന്ന ഭരണഘടനയുടെ നിറവും വിമർശനങ്ങൾക്കിടയാക്കിയിട്ടുണ്ട്. ചുവപ്പ് നിറമുള്ള ഭരണഘടന രാഹുലിന്റെ നക്സലുകളോടുള്ള ചായ‌്വിനെയാണ് സൂചിപ്പിക്കുന്നതെന്ന് മഹരാഷ്ട്ര ഉപമുഖ്യമന്ത്രി ദേവേന്ദ്ര ഫഡ്‌നാവിസ് ആരോപിച്ചു. മഹാരാഷ്ട്ര ബി.ജെ.പിയാണ് സമൂഹ മാധ്യമങ്ങളിൽ ഉള്ളടക്കമില്ലാത്ത ഭരണഘടനയുടെ വീഡിയോ പങ്കുവെച്ചത്മഹാരാഷ്ട്ര നിയമസഭാ തെരഞ്ഞെടുപ്പ് വരാനിരിക്കെ രാഹുലിനും കോൺഗ്രസിനുമെതിരെ ഭരണഘടനാ വിരുദ്ധ ചാപ്പ കുത്താനായി ബി.ജെ.പി ഈ വിഷയം തെരഞ്ഞെടുത്തിരിക്കുകയാണ് എന്നും ആരോപണമുണ്ട്.