പാക്കിസ്ഥാനിൽ ചൈനീസ് പൗരന്മാർക്ക് വെടിയേറ്റു

November 6, 2024

കറാച്ചി: പാക്കിസ്ഥാനിൽ ചൈനീസ് പൗരന്മാർക്ക് വെടിയേറ്റു.പാക്കിസ്ഥാനിലെ സുരക്ഷാ ഗാർഡിന്‍റെ വെടിയേറ്റാണ് രണ്ട് ചൈനീസ് പൗരന്മാർക്ക് പരിക്കേറ്റത്.

സിന്ധ് പ്രവിശ്യയിലെ കറാച്ചിയിലെ ഇൻഡസ്ട്രിയൽ ട്രേഡിംഗ് എസ്റ്റേറ്റ് ഏരിയയിലെ പോലീസ് സ്റ്റേഷനിലാണു സംഭവം ഉണ്ടായത്. പരിക്കേറ്റവരെ ഉടൻ ആശുപത്രിയിൽ പ്രവേശിപ്പിച്ചു. ‌

പരിക്കേറ്റവരിൽ ഒരാളുടെ നില ഗുരുതരമാണ്.വെടിയേറ്റ സംഭവത്തെക്കുറിച്ച് അന്വേഷിക്കുകയാണെന്ന് ഡെപ്യൂട്ടി ഇൻസ്പെക്ടർ ജനറൽ ഓഫ് പോലീസ് അസ്ഹർ മഹേസർ.

വിദേശികൾക്ക് സുരക്ഷ നൽകുന്ന കമ്പനികൾക്ക് ഓഡിറ്റ് ചെയ്യണമെന്നും റിപ്പോർട്ട് അവലോകനത്തിന് അയയ്ക്കണമെന്നും ആഭ്യന്തരമന്ത്രി സിയാവുൽ ഹസൻ ലഞ്ചാർ അധികൃതർക്ക് നിർദേശം നൽകി. ഈ വർഷം കറാച്ചിയിൽ വിദേശ പൗരന്മാർക്കു നേരേ നടക്കുന്ന മൂന്നാമത്തെ ആക്രമണമാണിത്.