ബെംഗളൂരുവില്‍ മലയാളി കുടുംബത്തിനുനേരെ ആക്രമണം

ബെംഗളൂരു: ബെംഗളൂരുവില്‍ മലയാളി കുടുംബത്തിനുനേരെ ആക്രമണം.കാറിന്റെ ചില്ലു തകര്‍ത്തുള്ള കല്ലേറില്‍ പിന്‍സീറ്റിലിരുന്ന അഞ്ചു വയസ്സുകാരന് തലയ്ക്ക് പരിക്കേറ്റു.

ബുധനാഴ്ച രാത്രി ഒന്‍പതരയ്ക്ക് കസവനഹള്ളിക്ക് സമീപം ചൂഡസാന്ദ്രയിലാണ് ആക്രമണം ഉണ്ടായത്.വീ​ട്ടി​ലേ​ക്ക് മ​ട​ങ്ങു​ന്ന​തി​നി​ടെ​യാ​യി​രു​ന്നു സോഫ്റ്റ്വേര്‍ എന്‍ജിനിയറായ കോട്ടയം പാലാ സ്വദേശി അനൂപ് ജോര്‍ജിന്റെ കാറാണ് ആക്രമിച്ചത്.പരപ്പന അഗ്രഹാര പോലീസ് സംഭവത്തിൽ കേസെടുത്തു.

ഭാ​ര്യ ജി​സ്, മ​ക്ക​ളാ​യ സെ​ലെ​സ്റ്റെ (11), സ്റ്റീ​വ് (5) എ​ന്നി​വ​രു​മാ​ണ് കാ​റി​ലു​ണ്ടാ​യി​രു​ന്ന​ത്. കാ​ര്‍ ചൂ​ഡ​സാ​ന്ദ്ര​യി​ലെ​ത്തി​യ​പ്പോ​ള്‍ ര​ണ്ടു​പേ​ര്‍ ബൈ​ക്കി​ലെ​ത്തി മു​ന്‍​പി​ലു​ണ്ടാ​യി​രു​ന്ന കാ​ര്‍ ത​ട​ഞ്ഞു​നി​ര്‍​ത്തി. ഈ ​കാ​റി​ലു​ണ്ടാ​യി​രു​ന്ന​വ​രോ​ട് ഗ്ലാ​സ് താ​ഴ്ത്താ​ന്‍ അ​ക്ര​മി​ക​ള്‍ ആ​വ​ശ്യ​പ്പെ​ട്ടു. എ​ന്നാ​ല്‍ അ​വ​ർ ഗ്ലാ​സ് താ​ഴ്ത്താ​ന്‍ ത​യാ​റാ​യി​ല്ല.ഇ​തേ​ത്തു​ട​ര്‍​ന്ന് അ​ക്ര​മി​ക​ള്‍ ക​ല്ലെ​ടു​ക്കാ​ന്‍ ശ്ര​മി​ച്ച​പ്പോ​ള്‍ അ​വ​ർ കാ​ര്‍ വേ​ഗ​ത്തി​ല്‍ ഓ​ടി​ച്ചു​പോ​യി. പെ​ട്ടെ​ന്ന് സം​ഘം അ​നൂ​പി​ന്‍റെ കാ​റി​ന് നേ​രേ​വ​ന്ന് ഗ്ലാ​സ് താ​ഴ്ത്താ​നും പു​റ​ത്തേ​ക്ക് ഇ​റ​ങ്ങാ​നും ആ​വ​ശ്യ​പ്പെ​ട്ടു.

ഗ്ലാസിന്റെ കഷണങ്ങളും കല്ലും കൂടി പിന്‍സീറ്റിലിരുന്ന മകന്‍ സ്റ്റീവിന്റെ തലയില്‍ കൊള്ളുകയായിരുന്നു. ഇതേത്തുടര്‍ന്ന് പരിഭ്രമിച്ചു പോയ അനൂപും ഭാര്യയും കാറില്‍ നിന്നിറങ്ങിയപ്പോള്‍ അക്രമികള്‍ ബൈക്കെടുത്ത് പോയി.

മ​ക​നെ ഉ​ട​ന്‍​ത​ന്നെ ആ​ശു​പ​ത്രി​യി​ലെ​ത്തി​ച്ചു. സ്റ്റീ​വി​ന്‍റെ ത​ല​യി​ല്‍ തു​ന്നി​ക്കെ​ട്ടു​ക​ളു​ണ്ട്. തു​ട​ര്‍​ന്ന് പോ​ലീ​സി​ല്‍ വി​വ​രം അ​റി​യി​ച്ചു. അ​നൂ​പി​ന്‍റെ പ​രാ​തി​യി​ൽ പ​ര​പ്പ​ന അ​ഗ്ര​ഹാ​ര പോ​ലീ​സ് കേ​സെ​ടു​ത്തു.ആ​ശു​പ​ത്രി​യി​ലെ​ത്തി​യ​പ്പോ​ള്‍ പി​ന്തു​ട​ര്‍​ന്നെ​ത്തി ര​ണ്ടു​പേ​ര്‍ ഒ​ത്തു​തീ​ര്‍​പ്പാ​ക്കാ​മെ​ന്ന് പ​റ​ഞ്ഞു. എ​ന്നാ​ല്‍ നി​യ​മ​ന​ട​പ​ടി​യു​മാ​യി മു​ന്നോ​ട്ടു പോ​കാ​നാ​ണ് തീ​രു​മാ​ന​മെ​ന്ന് അ​നൂ​പ് പ​റഞ്ഞു. പോ​ലീ​സ് രാ​ത്രി​ത​ന്നെ ഒ​രാ​ളെ ക​സ്റ്റ​ഡി​യി​ലെ​ടു​ത്തു.