ഐ.ടി.ഐ സ്പോട്ട് അഡ്മിഷൻ

പാലക്കാട് : പട്ടികജാതി വികസന വകുപ്പിന്റെ കീഴില്‍ തൃശ്ശൂർ ജില്ലയിൽ പ്രവർത്തിക്കുന്ന നടത്തറ ഗവ. ഐ.ടി.ഐയിൽ വുഡ് വര്‍ക്ക് ടെക്നീഷ്യന്‍, വെല്‍ഡര്‍ കോഴ്സുകളില്‍ ഒഴിവുള്ള സംവരണ സീറ്റുകളിലേക്ക് സ്പോട്ട് അഡ്മിഷന്‍ നടത്തുന്നു.

എന്‍.സി.വി.ടി അംഗീകാരമുള്ള വുഡ് വര്‍ക്ക് ടെക്നീഷ്യന്‍ കോഴ്സിന്റെ കാലാവധി ഒരു വര്‍ഷമാണ്. ഒ.സി-രണ്ട്, എസ്.സി-17, എസ്.ടി-രണ്ട് എന്നിങ്ങനെയാണ് സീറ്റ് ഒഴിവ്. എസ്.എസ്.എല്‍.സി വിജയിച്ചവര്‍ക്കും തോറ്റവര്‍ക്കും അപേക്ഷിക്കാം.

വെല്‍ഡര്‍ കോഴ്സില്‍ എസ്.സി വിഭാഗം സംവരണ സീറ്റിലാണ് ഒഴിവുള്ളത്. അപേക്ഷ സമര്‍പ്പിച്ചവര്‍ക്കും അപേക്ഷിക്കാത്തവര്‍ക്കും സ്പോട്ട് അഡ്മിഷനില്‍ പങ്കെടുക്കാം. ഒക്ടോബര്‍ 30 നകം അപേക്ഷിക്കണം. കൂടുതൽ വിവരങ്ങൾക്ക് ഫോൺ: 9497366243, 9895254648, 9745309589.