തൊഴിൽമേള നാളെ തിരുവല്ല മാർത്തോമ കോളേജിൽ

ആലപ്പുഴ: അഭ്യസ്ത വിദ്യരായ ജില്ലയിലെ യുവാക്കൾക്ക് തൊഴിലവസരങ്ങൾ ലഭ്യമാക്കുക എന്ന ലക്ഷ്യത്തോടെ ആലപ്പുഴ ജില്ലാപഞ്ചായത്ത് തുടങ്ങിവച്ച വിജ്ഞാന ആലപ്പുഴ തൊഴിലാസൂത്രണ പദ്ധതിയുമായി ബന്ധപ്പെട്ട ആദ്യതൊഴിൽ മേള മെഗാ തൊഴിൽ മേളയായി ജനുവരിയിൽ സംഘടിപ്പിക്കുന്നു.

എന്നാൽ അതിന് മുമ്പ് തന്നെ ഒക്ടോബർ 19 ന് ‘വിജ്ഞാന പത്തനംതിട്ട ഉറപ്പാണ് തൊഴിൽ’ പദ്ധതിയുടെ ഭാഗമായി തിരുവല്ല മാർത്തോമ്മാ കോളേജിൽ സംഘടിപ്പിക്കുന്ന മെഗാ തൊഴിൽ മേളയിൽ ആലപ്പുഴ ജില്ലയിൽ നിന്നുള്ളവർക്കും പങ്കെടുക്കാനവസരമുണ്ടാകുമെന്ന് ജില്ല പഞ്ചായത്ത് അറിയിച്ചു.

താൽപ്പര്യമുള്ള തൊഴിലന്വേഷകർക്ക് ഡി.ഡബ്ല്യു.എം.എസ്. എന്ന പോർട്ടൽ വഴി അനുയോജ്യമായ തൊഴിലിനുവേണ്ടി ഉടൻതന്നെ അപേക്ഷിക്കാവുന്നതാണ് .

പ്രൊഫഷണൽ ജോലികളായ എഞ്ചിനീയറിംഗ് ,നഴ്‌സിംഗ് (സ്വദേശത്തും വിദേശത്തും) മേഖലകളിലാണ് കൂടുതൽ അവസരങ്ങൾ ലഭ്യമായിട്ടുള്ളത്. പാരാമെഡിക്കൽ മേഖലയിലും വേക്കൻസികളുണ്ട്. അപേക്ഷിക്കേണ്ട വിധം താഴെപ്പറയുന്ന വീഡിയോ ലിങ്കിൽ ലഭ്യമാണ്. വീഡിയോ ലിങ്ക് ചുവടെ ചേർക്കുന്നു : https://youtu.be/eVZRbLVfGkQ, താഴെ നൽകിയിരിക്കുന്ന ഗൂഗിൾ ഫോം പൂരിപ്പിച്ച് സമർപ്പിക്കുന്നവരെ വിജ്ഞാന പത്തനംതിട്ട ടീം നേരിട്ട് ബന്ധപ്പെട്ട് ആവശ്യമായ സഹായങ്ങളും പരിശീലനങ്ങളും നൽകുന്നതാണ് .