മനുഷ്യരുടെ ദുരിതത്തെ ദൂരീകരിക്കുന്നതായിരിക്കണം രാം പ്രസ്ഥാന്റെ പ്രവർത്തനം;പ്രൊഫ. എം. കെ. സാനു

യൂണിവേഴ്‌ൽ സൊസൈറ്റി ഫോർ ശ്രീരാമ കോൺഷ്യസ്നസ്സ് ( രാം പ്രസ്ഥാൻ ) ന്റെ സ്ഥാപിത ദിനാഘോഷം എറണാകുളം വൈറ്റില ഹോട്ടൽ അനുഗ്രഹയിൽ പ്രൊഫ. എം. കെ. സാനു മാഷ് ഉദ്ഘാടനം ചെയ്‌തു. സാധാരണക്കാരൻ്റെ കഷ്‌ടതയിൽ ഇടപെടുകയും വേദ തത്വങ്ങൾ പറയുന്ന രാമായണത്തെ പിന്തുടരാൻ സാധിക്കണമെന്നും സമൂഹത്തിലെ അന്തവിശ്വാസങ്ങൾക്കെതിരെപോരാടണമെന്നും അദ്ദേഹം പറഞ്ഞു.രാം പ്രസ്ഥാൻ പ്രസിഡൻ്റ് ശാന്ത എസ് പിള്ള അധ്യക്ഷത വഹിച്ചു. കൃഷ്ണ ഹോസ്പിറ്റൽ ഡയറക്‌ടർ ഡോക്ടർ സഭാപതി മുഖ്യപ്രഭാക്ഷണം നടത്തി. ഗാന രചയിതാവ് വി. വിജയൻ നളന്ദ സന്ദേശം നൽകി രാം പ്രസ്ഥാൻ സെക്രട്ടറി പി. കെ. അനീഷ്, വൈസ് പ്രസിഡന്റ് വി. ആർ. രാജീവ് എന്നിവർ പ്രസംഗിച്ചു. സ്ഥാപിത ദിനാഘോഷങ്ങളോടാനുബന്ധിച്ചു എല്ലാ ജില്ലകളിലും സൗജന്യമെഡിക്കൽ ക്യാമ്പുകൾ നടത്തുമെന്നും ആദ്യത്തെ ക്യാമ്പ് ഒക്ടോബർ 20 ന് കോട്ടയം ജില്ലയിൽ രാം പ്രസ്ഥാൻ ആസ്ഥാനമായ പെരിങ്ങുളത്ത് നടത്തുമെന്നും ഭാരവാഹികൾ പറഞ്ഞു.