ആശ്രിത നിയമനം; സൗജന്യമായി ഭൂമി വിട്ട് നല്‍കിയവരുടെ സീനിയോറിറ്റി ലിസ്റ്റ് തയാറാക്കുന്നു

കോഴിക്കോട് : ഐസിഡിഎസ് ചേളന്നൂര്‍ പ്രോജക്ടിന്റെ പരിധിയിലെ തലക്കുളത്തൂര്‍, കാക്കൂര്‍, നന്മണ്ട, നരിക്കുനി, ചേളന്നൂര്‍, കക്കോടി ഗ്രാമപഞ്ചായത്തുകളിലെ അങ്കണവാടികള്‍ക്കായി സൗജന്യമായി ഭൂമി വിട്ടുനല്‍കിയവരുടെ ആശ്രിത നിയമനത്തിന് വേണ്ടിയുള്ള സീനിയോറിറ്റി ലിസ്റ്റ് തയാറാക്കുന്നു.

ഭൂമി വിട്ടു നല്‍കിയവരുടെ ആശ്രിതര്‍ ഒക്ടോബര്‍ ഒന്‍പതിനുള്ളിൽ മുഴുവന്‍ രേഖകളുമായി ഐസിഡിഎസ് പ്രോജക്ട് ചേളന്നൂര്‍ ഓഫീസില്‍ ഹാജരാകണം.

മുഴുവന്‍ രേഖകളും ഹാജരാക്കാത്തപക്ഷം നിലവില്‍ പ്രസിദ്ധീകരിക്കുന്ന റാങ്ക് ലിസ്റ്റില്‍ ഭൂമി വിട്ടുനല്‍കിയവരുടെ ആശ്രിതരെ ഉള്‍പ്പെടുത്തുകയില്ലെന്ന് ശിശു വികസന പദ്ധതി ഓഫീസര്‍ അറിയിച്ചു. ഫോണ്‍: 0495 -2261560.