ബനാറസ് ഹിന്ദു സർവകലാശാലയിൽ വെറ്ററിനറി സയൻസ് ബാച്ച്‌ലർ പ്രോഗ്രാം

ഡൽഹി : ബനാറസ് ഹിന്ദു സർവകലാശാലയിൽ വെറ്ററിനറി സയൻസ് ബാച്ച്‌ലർ പ്രോഗ്രാം പ്രവേശനത്തിന് അപേക്ഷ ക്ഷണിക്കുന്നു.(ബി.എച്ച്.യു.)-വാരാണസി, മിർസാപുർ രാജീവ്ഗാന്ധി സൗത്ത് കാംപസിൽ നടത്തുന്ന ബാച്ച്‌ലർ ഓഫ് വെറ്ററിനറി സയൻസ് ആൻഡ് ആനിമൽ ഹസ്ബൻഡ്രി (ബി.വി.എസ്‌സി. ആൻഡ് എ.എച്ച്.) പ്രോഗ്രാമിലെ 2024-25-ലെ പ്രവേശനത്തിന് അപേക്ഷിക്കാം.

ഒരുവർഷ ഇന്റേൺഷിപ്പ് ഉൾപ്പെടെ അഞ്ചരവർഷത്തിലേക്കുള്ള കോഴ്സിൽ 60 സീറ്റുണ്ട്.യോഗ്യത: പ്ലസ്ടു/തത്തുല്യ യോഗ്യതാപരീക്ഷ, ഫിസിക്സ്, കെമിസ്ട്രി, ബയോളജി/ബയോടെക്നോളജി, ഇംഗ്ലീഷ് (കോർ കോഴ്സ്) എന്നിവ പഠിച്ച്, 50 ശതമാനം മാർക്ക് വാങ്ങി (പട്ടിക/ഒ.ബി.സി./പി.സി./കാലാകാലങ്ങളിൽ കേന്ദ്രസർക്കാർ ഉൾപ്പെടുത്തുന്ന മറ്റ് സ്പെഷ്യൽ കാറ്റഗറി വിഭാഗക്കാർ എന്നിവർക്ക് 47.5 ശതമാനം) ജയിച്ചിരിക്കണം.

പ്രായം 2024 ഡിസംബർ 31-ന് 17-നും 25-നും ഇടയ്ക്കായിരിക്കണം (ജനിച്ചത് 31.12.1999-നും 31.12.2007-നും ഇടയ്ക്ക് -രണ്ടുദിവസങ്ങളും ഉൾപ്പടെ). പട്ടിക/ഒ.ബി.സി. വിഭാഗക്കാർക്ക് അഞ്ചുവർഷത്തെ ഇളവ്, ഉയർന്ന പ്രായപരിധിയിൽ കിട്ടും.അപേക്ഷ bhuadm.samarth.edu.in./ വഴി സെപ്‌റ്റംബർ 29 വരെ നൽകാം പ്രോസ്പെക്ടസ് ഈ സൈറ്റിൽ ലഭിക്കും.