ഹരിയാന നിയമസഭാ തിരഞ്ഞെടുപ്പ് : വിനേഷ് ഫോഗട്ടിനെതിരെ മത്സരിക്കാൻ ബിജെപി ക്യാപ്റ്റൻ യോഗേഷ് ബൈരാഗിയെ കളത്തിലിറക്കി

ന്യൂഡൽഹി: വരാൻ പോകുന്ന ഹരിയാന നിയമസഭാ തിരഞ്ഞെടുപ്പിൽ‌ വിനേഷ് ഫോഗട്ടിനെതിരെ ബിജെപി ക്യാപ്റ്റൻ യോഗേഷ് ബൈരാഗിയെ കളത്തിലിറക്കാൻ തീരുമാനിച്ചു . ഇരുവരും ജുലാന മണ്ഡലത്തിലാണ് ഇരുവരും മത്സരിക്കുക . ബിജെപിയുടെ രണ്ടാം ഘട്ട സ്ഥാനാർഥി പട്ടിക പുറത്തുവിട്ടപ്പോഴാണ് യോഗേഷിന്റെ പേരും ഉൾപ്പെത്താൻ തീരുമാനിച്ചത് .

കോവിഡ് മഹാമാരിയുടെ സമയത്ത് വിദേശത്തു കുടുങ്ങിയ ഇന്ത്യക്കാരെ തിരികെ എത്തിക്കാനായി കേന്ദ്ര സർക്കാർ ഒരുക്കിയ ‘വന്ദേ ഭാരത്’ മിഷനിലും ,ചെന്നൈ പ്രളയത്തിലുൾപ്പെടെയുള്ള രക്ഷാപ്രവർത്തനത്തിൽ പങ്കെടുത്ത് വ്യക്തിയാണ്. എയർ‌ ഇന്ത്യയുടെ മുൻ പൈലറ്റായ യോഗേഷ് . നിലവിൽ ഹരിയാന ബിജെപി യൂത്ത് വിങ്ങിന്റെ വൈസ് പ്രസിഡന്റ് കൂടിയാണ് ഇദ്ദേഹം .

തിരഞ്ഞെടുപ്പിൽ ബിജെപി ഇന്ന് 21 പേരുടെ പേരാണ് പുറത്ത് വിട്ടത് . ഇതോടെ ബി ജെ പി 90 അംഗ നിയമസഭയിലേക്കുള്ള തിരഞ്ഞെടുപ്പിൽ 87 സ്ഥാനാർഥികളെയാണ് പാർട്ടി പ്രഖ്യാപിച്ചിരിക്കുന്നത് .അതേസമയം ആദ്യ പട്ടിക പുറത്ത് വിട്ടപ്പോൾ മുഖ്യമന്ത്രി നയാബ് സിങ് സെയ്‌നി ഉൾപ്പെടെ 67 സ്ഥാനാർഥികളുടെ പേരാണ് ആദ്യപട്ടികയിൽ ഉൾപ്പെടുത്തിയത് .
.
ഹരിയാന നിയമസഭാതിരഞ്ഞെടുപ്പ് ഒക്ടോബർ 5നാണ്. വോട്ടെണ്ണൽ ഒക്ടോബർ എട്ടിന് .