മഗ്‌സസെ പുരസ്കാരം പ്രഖ്യാപിച്ചു : ജാപ്പനീസ്‌ അനിമേറ്ററും സംവിധായകനുമായ ഹായാവൊ 
മിയാസാകിക്ക്‌ 


മനില : രമൺ മഗ്‌സസെ പുരസ്കാരം പ്രഖ്യാപിച്ചു. പ്രശസ്ത ജാപ്പനീസ്‌ അനിമേറ്ററും സംവിധായകനുമായ ഹായാവൊ മിയാസാകിയടക്കം നാലുപേർക്ക്‌ പുരസ്‌കാരം . ഹയാവോ മിയാസാകിടോക്യോ ആസ്ഥാനമായ സ്‌റ്റുഡിയോ ഗിബ്ലിയുടെ സഹസ്ഥാപകനും മൈ നെയ്‌ബർ ടൊട്ടോറോ, സ്പിരിറ്റഡ്‌ എവേ, ഹൗൾസ്‌ മൂവിങ്‌ കാസിൽ തുടങ്ങി നിരവധി അനിമേഷൻ സിനിമകളുടെ സംവിധായകനുമാണ്‌ ഇദ്ദേഹം .

അതേസമയം ലോഡൻ ഫൗണ്ടേഷൻ സ്ഥാപകൻ കർമ ഫുന്റ്‌ഷോ, വിയറ്റ്‌നാം യുദ്ധത്തിൽ സേവനമനുഷ്ഠിച്ച ഡോക്ടർ എൻഗ്വെൻ തി എൻഗോക്‌ ഫുവോങ്‌, ഇൻഡോനേഷ്യയിലെ പരിസ്ഥിതി, വനാവകാശ പ്രവർത്തക ഫർവിസ ഫർഹാൻ എന്നിവരാണ്‌ പുരസ്കാരം നേടിയ മറ്റുള്ളവർ. ഇവർക്ക് പുറമെ തായ്‌ലൻഡിൽ പൗരർക്ക്‌ സൗജന്യ ആരോഗ്യ പരിചരണം നൽകുന്ന റൂറൽ ഡോക്ടേഴ്‌സ്‌ മൂവ്‌മെന്റ്‌ എന്ന സംഘടനയ്ക്കും പുരസ്കാരമുണ്ട്‌.മനിലയിലാണ്‌ നവംബറിൽ പുരസ്കാരദാനം നടക്കുക .