തിരുച്ചിറപ്പള്ളിയിൽ നൂഡിൽസ് കഴിച്ച് ഉറങ്ങിയ പെൺകുട്ടിയെ മരിച്ച നിലയിൽ കണ്ടെത്തി

ചെന്നൈ : തിരുച്ചിറപ്പള്ളിയിൽ ഓൺലൈൻ ആയി ഓർഡർ ചെയ്ത നൂഡിൽസ് കഴിച്ച് ഉറങ്ങിയ വിദ്യാർഥിനിയെ മരിച്ച നിലയിൽ കണ്ടെത്തി . റെയിൽവേ ജീവനക്കാരനായ അരിയമംഗലം സ്വദേശി ജോൺ ജൂഡിയുടെ മകൾ സ്റ്റെഫി ജാക്വിലിനെയാണ് മരിച്ച നിലയിൽ കാണപ്പെട്ടത് . ശനിയാഴ്ച രാത്രിയായിരുന്നു സംഭവം . മരണകാരണ൦ ഭക്ഷ്യവിഷബാധയാണെന്നാണ് പ്രഥമിക നിഗമനം .
പെൺകുട്ടിയുടെ മൃതദേഹം പോസ്റ്റ്മോർട്ടത്തിന് അയച്ചിട്ടുണ്ട്. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചതായി അറിയിച്ചു .