ഇസ്രായേലിനു നേരെ ഇറാന്റെ ആക്രമണം ഉണ്ടാവാൻ സാധ്യത; രാജ്യത്തിനു നേരെ ആരുടെ ഭാഗത്തുനിന്ന്​ ആക്രമണം ഉണ്ടായാലും കനത്ത തിരിച്ചടി നൽകുമെന്ന് സൈനിക നേതൃത്വം

തെൽഅവീവ്: നാളെ ഇസ്രായേലിനു നേരെ ഇറാന്റെ ആക്രമണം ഉണ്ടാവാൻ സാധ്യതയുണ്ടെന്ന് ഇന്റലിജൻസ്​ റിപ്പോർട്ടുകൾ. സമീപത്തും ദൂരെയുമുള്ള ശത്രുക്കൾക്കെതിരെ ഏതുവിധത്തിലുള്ള ആക്രമണത്തിനും സജ്ജമെന്ന്​ ഇസ്രായേൽ ​സൈനിക നേതൃത്വം അറിയിച്ചു.

രാജ്യത്തിനു നേരെ ആരുടെ ഭാഗത്തുനിന്ന്​ ആക്രമണം ഉണ്ടായാലും കനത്ത തിരിച്ചടി നൽകാനുള്ള എല്ലാ ശേഷിയും തങ്ങൾക്കുണ്ടെന്നും സൈനിക നേതൃത്വം വ്യക്തമാക്കി. അതിനിടെ, വെടിനിർത്തൽ കരാർ ആവശ്യപ്പെട്ട്​ ഇസ്രായേലിൽ പ്രക്ഷോഭം തുടരുകയാണ്​. ഇക്കുറിയില്ലെങ്കിൽ പിന്നെ ബന്ദികളുടെ മോചനം അസാധ്യമാകുമെന്ന ആശങ്കയിൽ നെതന്യാഹുവിനു മേൽ വലയ സമ്മർദം തുടരുകയാണ്​ ബന്ദികളുടെ ബന്ധുക്കൾ. വ്യാഴാഴ്​ചക്കു മുമ്പ്​ നെതന്യാഹു ചർച്ചയ്ക്കായി നിയോഗിക്കുന്ന ഇസ്രായേൽ സംഘവുമായി സംസാരിക്കും.

അതേസമയം, ഗസ്സയിൽ ആക്രമണം അവസാനിപ്പിക്കില്ലെന്ന്​ നെതന്യാഹു ഇന്നലെയും ആവർത്തിച്ചു. വ്യാഴാഴ്​ച നടത്താൻ തീരുമാനിച്ച വെടിനിർത്തൽ ചർച്ചയ്ക്കു മുമ്പ്​ നേരത്തെ തങ്ങൾ അംഗീകരിച്ച വ്യവസ്ഥകളു​ടെ പുരോഗതി എന്തെന്ന്​ അറിയിക്ക​ണമെന്ന്​ ഹമാസ്​ നേതൃത്വം മധ്യസ്ഥ‌‌ രാജ്യങ്ങളോട്​ ആവശ്യപ്പെട്ടു. ചർച്ചയിൽ പ​​ങ്കെടുക്കുന്നതു സംബന്ധിച്ച്​ ഹമാസ്​ തീരുമാനം ഇനിയും പ്രഖ്യാപിച്ചിട്ടില്ല. ഹമാസ്​ ഇപ്പോഴും ശക്തമാണെന്ന്​ ഗസ്സയിൽ സേവനം അനുഷ്​ഠിച്ച 14 ​സൈനിക കമാൻഡർമാർ അറിയിച്ചതായി ഇസ്രായൽ മാധ്യമങ്ങൾ റിപ്പോർട്ട് ചെയ്യുന്നു.

അതിനിടെ, ഗ​സ്സ​യി​ലെ ഖാ​ൻ യൂ​നി​സി​ൽ​നി​ന്ന് ജ​ന​ങ്ങ​ളോ​ട് ഒ​ഴി​യാ​ൻ ആ​വ​ശ്യ​പ്പെ​ട്ട് ഇ​സ്രാ​യേ​ൽ സൈ​ന്യം ആവശ്യപ്പെട്ടു. ഗ​സ്സ​യി​ൽ ഒ​രി​ട​വും സു​ര​ക്ഷി​ത​മ​ല്ലെ​ന്ന അ​വ​സ്ഥ​യി​ൽ എ​ങ്ങോ​ട്ട് പോ​കു​മെ​ന്ന് അ​റി​യാ​ത്ത നി​സ്സ​ഹാ​യാ​വ​സ്ഥ​യി​ലാ​ണ് ഫ​ല​സ്തീ​നി​ക​ൾ. ഗസ്സ കൂട്ടക്കുരുതി സംബന്ധിച്ച്​ അടിയന്തര യു.എൻ രക്ഷാ സമിതിയോഗം ഇന്ന്​ ചർച്ച ചെയ്യും.