രാജ്യത്തിന് ഒരു ‘മിലി ജൂലി’ സർക്കാർ ആവശ്യമില്ലെന്ന് പ്രധാനമന്ത്രി

‘രാജ്യത്തിന് ‘മിലി ജൂലി സർക്കാർ’ ആവശ്യമില്ല. അത്തരം സർക്കാരുകളുടെ അസ്ഥിരതകാരണം രാജ്യത്തിന് 30 വർഷം നഷ്ടമായി. ആ സർക്കാരിന്റെ കാലഘട്ടം അഴിമതിയും പ്രീണന രാഷ്ട്രീയവുംകൊണ്ട് അടയാളപ്പെടുത്തിയതാണ്. അവർ ജനങ്ങൾക്കിടയിൽ ശുഭാപ്തിവിശ്വാസം നഷ്ടപ്പെടുത്തുകയും ലോകത്ത് ഇന്ത്യക്ക്‌ മോശം പ്രതിച്ഛായ നൽകുകയും ചെയ്തു. മോദി തന്റെ കടമയിൽനിന്ന് പിന്നോട്ടു പോവില്ലെന്ന് രാജ്യത്തെ പാവങ്ങൾക്കറിയാം. ആ വിശ്വാസം എനിക്ക് ഊർജം നൽകുന്നു. 2024-ൽ ജനങ്ങൾ തിരഞ്ഞെടുക്കുക ബി.ജെ.പി.യെയായിരിക്കും. രാജ്യത്തിന്റെ ഏതുകോണിലും പാർട്ടിക്ക് പിന്തുണയുണ്ട്. കേരളത്തിലെ തദ്ദേശസ്വയംഭരണ സ്ഥാപനങ്ങൾ മുതൽ പലയിടത്തും പാർട്ടി ജനങ്ങൾക്കിടയിൽ ശക്തമായ പ്രവർത്തനമാണ് നടത്തുന്നത്’ -മോദി പറഞ്ഞു.