മുംബൈയില്‍ പെട്രോളിന്റെയും ഡീസലിന്റെയും നികുതി കുറച്ചു.

മുംബൈയില്‍ മഹാരാഷട്ര സര്‍ക്കാര്‍ പെട്രോളിന്റെയും ഡീസലിന്റെയും നികുതി കുറച്ചു. ഡീസലിന് രണ്ട് രൂപയും പെട്രോളിന് 65 പൈസയും എന്നിങ്ങനെയാണ് വില കുറച്ചത് .

സിഎം അന്ന ചത്ര യോജന പ്രകാരം പാവപ്പെട്ടവര്‍ക്ക് മൂന്ന് ഗ്യാസ് സിലിണ്ടറുകള്‍ വീതം സൗജ്യമായി വിതരണം ചെയ്യുമെന്നും ഉപ മുഖ്യമന്ത്രി അജിത് പവാര്‍ പറഞ്ഞു.

2024-25 ബജറ്റിലാണ് പെട്രോള്‍, ഡീസല്‍ നികുതിയില്‍ കുറവുവരുത്തിക്കൊണ്ട് പ്രഖ്യാപനമുണ്ടായത്. ഡീസലിന്റെ നികുതി 24 നിന്ന് 21 ശതമാനമായും പെട്രോളിന്റേത് 26ല്‍നിന്ന് 25 ശതമാനമായുമാണ് കുറച്ചിരിക്കുന്നത് .

പരുത്തി, സോയാബീന്‍ വിളകള്‍ക്ക് ഹെക്ടറിന് 5,000 രൂപവീതം ബോണസും നല്‍കും. 2024 ജൂലായ് ഒന്നിന് ശേഷം ക്ഷീരകര്‍ഷകര്‍ക്ക് ലിറ്ററിന് അഞ്ച് രൂപ ബോണസ് നല്‍കുമെന്നും പ്രഖ്യാപിച്ചിട്ടുണ്ട്. മൃഗങ്ങളുടെ ആക്രമണം മൂലം മരിച്ചാല്‍ അടുത്ത ബന്ധുക്കള്‍ക്ക് 25 ലക്ഷം രൂപ നല്‍കുമെന്നും പവാര്‍ പറഞ്ഞു.