കെഫാഖ് സൗജന്യ മെഡിക്കല്‍ ക്യാമ്പ് സംഘടിപ്പിക്കുന്നു

ഖത്തർ – കൊട്ടാരക്കര അസോസിയേഷൻ സൗജന്യ മെഡിക്കല്‍ ക്യാമ്പ് സംഘടിപ്പിക്കുന്നു. ജൂൺ 14 വെള്ളിയാഴ്ച ഫോക്കസ് മെഡിക്കൽ സെന്ററില്‍ കാലത്ത് 8 മുതല്‍ ഉച്ചക്ക് 12 വരെയാണ് മെഡിക്കല്‍ ക്യാമ്പ് നടക്കുകയെന്ന് ഭാരവാഹികള്‍ അറിയിച്ചു.

അന്നേ ദിവസം ഇരുനൂറോളം പേര്‍ക്ക് ഫാസ്റ്റിംഗ് ബ്ലഡ് ഷുഗര്‍, ടോട്ടല്‍ കൊളെസ്‌ട്രോള്‍, ക്രിയാറ്റിന്‍ (വൃക്ക), ഡെന്റൽ,നേത്ര പരിശോധനകള്‍ നടത്തുവാനുള്ള സൗകര്യവും റിസള്‍ട്ടുമായി ആവശ്യമുള്ളവര്‍ക്ക് ഒരാഴ്ചക്കകം ഡോക്ടറെ സൗജന്യമായി കാണുവാനുള്ള സൗകര്യവും ഫോക്കസ് മെഡിക്കല്‍ സെന്ററില്‍ ഒരുക്കുന്നുണ്ട്.

മെഡിക്കൽ ക്യാമ്പിൽ പങ്കടുക്കുന്നവർക്കെല്ലാം ഫോക്കസ് മെഡിക്കൽ സെന്ററിന്റെ പ്രിവിലേജ് കാർഡ് ലഭ്യമാക്കുമെന്നും കെഫാഖ് ഭാരവാഹികളായ ബിജു കെ ഫിലിപ്പ്, ബിനേഷ് ബാബു, അനിൽകുമാർ.എസ്, ജലാധരൻ അമ്പാടിയിൽ, ജേക്കബ് ബാബു എന്നിവർ അറിയിച്ചു.