പാലക്കാട് തൃത്താലയിൽ വീട്ടമ്മ തൂങ്ങിമരിച്ച നിലയിൽ

പാലക്കാട്: പാലക്കാട് തൃത്താലയിൽ കോടനാട് വീട്ടമ്മയെ തൂങ്ങിമരിച്ച നിലയിൽ കണ്ടെത്തി. പടിഞ്ഞാറങ്ങാടി സ്വദേശി ഐശ്വര്യയെയാണ്(24) മരിച്ച നിലയിൽ കണ്ടെത്തിയത്. ഇന്നലെ രാത്രി 9 മണിയോടെയായിരുന്നു സംഭവം. ഇവർക്ക് 56 ദിവസം മാത്രം പ്രായമായ ഒരു കുഞ്ഞ് അടക്കം രണ്ടു കുട്ടികളുണ്ട്. ഭർത്താവുമായുള്ള വഴക്കാണ് ആത്മഹത്യയിലേക്ക് നയിച്ചത് എന്നാണ് പ്രാഥമിക നിഗമനം. മൃതദേഹം തൃശൂർ മെഡിക്കൽ കോളേജിലേക്ക് മാറ്റിയിരിക്കുകയാണ്. നാളെ കാലത്ത് സംസ്കാരം നടക്കും.