റീൽസ് എടുക്കാൻ വേണ്ടി അഭ്യാസം; പുഴയിൽ ചാടിയ യുവാവ് രക്ഷപ്പെട്ടു

പത്തനംതിട്ട: റീൽസ് എടുക്കാൻ വേണ്ടി പുഴയിൽ ചാടിയ യുവാവ് രക്ഷപ്പെട്ടു.സമൂഹ മാധ്യമങ്ങളിൽ പോസ്റ്റ് ചെയ്യുന്നതിന് വേണ്ടി റീൽസ് എടുക്കാൻ സുഹ്യത്തിനോട് ആവശ്യപ്പെട്ട് പുഴയിലേക്ക് ചാടിയ യുവാവാണ് അത്ഭുതകരമായി രക്ഷപ്പെട്ടത് . പത്തനംതിട്ട എലിമുള്ളുംപ്ലാക്കൽ സ്വദേശി സുധിമോനാണ് പുഴയിലേക്ക് ചാടിയത്. ബുധനാഴ്ച വൈകീട്ട് മൂന്നിന് തണ്ണിത്തോട് മുണ്ടോമൊഴി പാലത്തില്‍ നിന്ന് ബുധനാഴ്ച വൈകീട്ട് മൂന്നിന്നാണ് സുധിമോൻ കല്ലാറ്റിലേക്ക് ചാടിയത്.

പിന്നീട് സുധിമോൻ വീഡിയോ സമൂഹ മാധ്യമങ്ങളിൽ പ്രചരിപ്പിച്ചതോടെയാണ് സംഭവം പുറം ലോകം അറിയുന്നത്. സുഹ്യത്തുകളോട് വീഡിയോ എടുക്കാൻ വേണ്ടി സുധിമോൻ ആവശ്യപ്പെടുന്നതും എന്നിട്ട് പാലത്തിൻ്റെ നടുവിൽ നിന്ന് താഴേക്ക് ചാടുന്നതും ഒക്കെ ദൃശ്യത്തിലുണ്ട് . അതിനുശേഷoപുഴയിൽ ചാടിയ സുധിമോന് രക്ഷപ്പെടാനായില്ല.

ഉടൻ അ​ഗ്നിരക്ഷാസേനയും നാട്ടുകാരും സംയുക്തമായി ചേർന്ന് നടത്തിയ തിരച്ചിലിലാണ് വള്ളിയിൽ പിടിച്ചു കിടക്കുന്ന സു​ധിമോനെ കണ്ടത് . തുടർന്ന് രക്ഷപ്പെടുത്തുകയായിരുന്നു.