മഴക്കാലo വന്നതോടെ പെരുമ്പാമ്പുകൾ കൂട്ടത്തോടെ നാട്ടിലെത്തിത്തുടങ്ങി

റാന്നി: മഴക്കാലo വന്നതോടെ പെരുമ്പാമ്പുകൾ കൂട്ടത്തോടെ നാട്ടിലെത്തിത്തുടങ്ങി.2 ദിവസത്തിനിടെയാണ് ചേത്തയ്ക്കൽ, ചെറുകുളഞ്ഞി എന്നിവിടങ്ങളിൽ നിന്നായി പാമ്പുകളെ വനം വകുപ്പിന്റെ ദ്രുതകർമ സേന പിടികൂടിയത് .ചേത്തയ്ക്കൽ അമ്പലത്തിനു സമീപത്തുള്ള മനുഭവനിൽ സോമൻപിള്ളയുടെ വീട്ടിൽ നിന്നാണ് ഒന്നിനെ പിടികൂടിയത് . കോഴികൾ കൂട്ടത്തോടെ ബഹളം വയ്ക്കുന്നത് കേട്ട വീട്ടുകാർ പുറത്തിറിങ്ങി നോക്കിയപ്പോഴാണ് കൂടിനു സമീപം വലിയ പാമ്പിനെ കണ്ടത്. അവിടെ വച്ച് ഒരു കോഴിയെ വിഴുങ്ങിയിരുന്നു. പെട്ടെന്ന്‌ ആളനക്കം കേട്ടപ്പോൾ കോഴിയെ ഛർ‌ദിച്ചു. ഉടനെ സേനാംഗങ്ങൾ പാമ്പിനെ പിടികൂടി കൂട്ടിലാക്കുകയായിരുന്നു .

ഇന്നലെ രാവിലെകോഴികളെ തുറന്നു വിടാനെത്തിയപ്പോഴാണ്
ചെറുകുളഞ്ഞി ചെരിക്കലേത്ത് രാജുവിന്റെ വീട്ടിലും കോഴിക്കൂട്ടിലാണ് പാമ്പിനെ കണ്ടത്. അതിൽ 3 കോഴികളെ കൊന്നു. ഒന്നിനെ തിന്നു. രാവിലെ 10 മണിയോടെ ദ്രുതകർമ സേനയെത്തി പിടികൂടി. ചൂടുകൂടിയ സമയത്തായിരുന്നു മാളത്തിൽ ഒളിച്ചിരുന്ന പാമ്പുകളാണ് പുറത്തെത്തുന്നതെന്ന് വനപാലകർ പറയുന്നത് .