വെള്ളക്കെട്ടിൽ വീണ് മത്സ്യത്തൊഴിലാളി മരിച്ച നിലയിൽ

കൊച്ചി: വെള്ളക്കെട്ടിൽ വീണ് മത്സ്യത്തൊഴിലാളി മരിച്ച നിലയിൽ കണ്ടെത്തി. പുതുവൈപ്പിലെ വെള്ളക്കെട്ടിലാണ് മത്സ്യത്തൊഴിലാളിയെ മരിച്ച നിലയിൽ കണ്ടെത്തിയത് .
പുതുവൈപ്പ് കൊടിക്കൽ വീട്ടിൽ നന്ദനന്റെ മകൻ ദിലീപാണ് (51) മരിച്ചത്. രാത്രിൽ ദിലീപ് മീൻ വലവീശി പിടിക്കാനായി പോയപ്പോളാണ് അപകടം ഉണ്ടായത് എന്നാണ് നിഗമനം .

പുതുവൈപ്പ് ബീച്ചിന് സമീപത്തുള്ള വെള്ളക്കെട്ടിൽ നിന്ന് നാട്ടുകാർ മീൻ പിടിക്കുന്നത് പതിവ് കാഴ്ചയാണ്. ഹൃദയാഘാതത്തെ തുടർന്ന് ദിലീപ് വെള്ളത്തിൽ വീണിരിക്കാനാണ് സാധ്യതയെന്നാണ് പോലീസ് പറയുന്നത് .മൃതദേഹം പോസ്റ്റുമോർട്ടത്തിന് അ‌യച്ചിട്ടുണ്ടെന്നും റിപ്പോർട്ട് വന്നാൽ മാത്രമേ കൂടുതൽ കാര്യങ്ങൾ വ്യക്തമാകൂ എന്നാണ് മുളവുകാട് പോലീസ് പറയുന്നത് .

തുടർനടപടികൾക്കുശേഷം മൃതദേഹം ബന്ധുക്കൾക്ക് വിട്ടുകൊടുക്കും. അതിനുശേഷം സംസ്കാരം ശനിയാഴ്ച ഉച്ചയ്ക്ക് രണ്ടുമണിയ്ക്ക് മുരുക്കുംപാടം പൊതുശ്മശാനത്തിൽ വച്ച് നടക്കും .