കൊച്ചിയില്‍ ലഹരി സംഘം പിടിയില്‍; യുവതിയടക്കമുള്ള ആറംഗ സംഘ

കൊച്ചി എളമക്കരയില്‍ യുവതിയടക്കം ആറംഗ ലഹരി സംഘo അറസ്റ്റിൽ . എളമക്കരയിലെ ലോഡ്ജില്‍ വച്ച് പെട്ടെന്ന് നടത്തിയ റെയ്ഡിലാണ് പ്രതികളെ പിടികൂടിയത്. ഇന്നലെ വൈകുന്നേരം എളമക്കരയിലെ ലോഡ്ജില്‍ നടത്തിയ പരിശോധനയിലാണ് കൊക്കയിന്‍ അടക്കമുള്ള ലഹരിയുമായി പ്രതികളെ പിടികൂടിയത് .

ആഷിഖ്, സൂരജ്, രഞ്ജിത്,മുഹമ്മദ് അസര്‍, അഭില്‍, അലക എനിവരാണ് പിടിയിലായത്. ഇവരുടെ സംഘത്തില്‍ 18 മുതല്‍ 26 വയസ്സ് വരെ പ്രായമുള്ളവരാണ് സംഘത്തിൽ ഉള്ളത് . വരാപ്പുഴ, തൃശ്ശൂര്‍, ഇടുക്കി, പാലക്കാട് സ്വദേശികളാണ് പിടിയിലായ പ്രതികള്‍. ബംഗളൂരുവില്‍ നിന്ന് മയക്കുമരുന്ന് കൊണ്ടുവന്ന് വില്‍പ്പന നടത്തുന്നതാണ് ഇവരുടെ ജോലി .

കൊക്കയിന്‍, മെത്താംഫിറ്റമിന്‍ , കഞ്ചാവ് അടക്കമുളള ലഹരിവസ്തുക്കളാണ് ഇവരുടെ കൈവശത്ത് നിന്ന് പോലീസ് പിടികൂടിയത്. ലഹരിക്കച്ചവടവുമായി ബന്ധപ്പെട്ട പുസ്തകവും പൊലീസ് കണ്ടെത്തി. ഇതിനുള്ളിൽ ഇടപാടുകാര്‍ വാങ്ങിയ ലഹരിമരുന്നിന്റെ അളവുള്‍പ്പെടെ രേഖപ്പെടുത്തിയിട്ടുണ്ട്.

പരിശോധനയ്ക്കായി പൊലീസ് ലോഡ്ജില്‍ എത്തിയപ്പോള്‍ ഒരാഴ്ചയോളമായി ഇവര്‍ ലോഡ്ജില്‍ താമസിച്ചു വരിക യായിരുന്നു എന്നും പോലീസ് എന്ന് വിവരം ലഭിച്ചു. പിടിക്കപ്പെട്ടവരിൽ ചിലവർ നേരത്തെയും ഇതുപോലെയുള്ള കേസുമായി ബന്ധപ്പെട്ട് അറസ്റ്റിലായവരാണെന്ന് പൊലീസ് പറയുന്നത് .