കൊച്ചിയിൽ സ്വകാര്യ ബസ് ജീവനക്കാരുടെ തമ്മിൽത്തല്ല്

കൊച്ചി: യാത്രക്കാർ നോക്കിനിൽക്കെ ബസിനുള്ളിൽ ജീവനക്കാരുടെ തമ്മിൽത്തല്ല്. കൊച്ചി നേവൽ ബേസിന് സമീപത്തെ വാതുരുത്തി ബസ് സ്റ്റോപ്പിന് സമീപത്തായി കഴിഞ്ഞ ദിവസം രാത്രി എട്ടുമണിയോടെയാണ് സ്വകാര്യ ബസ് ജീവനക്കാർ തമ്മിൽ കൂട്ടത്തല്ല് നടന്നത് . കാക്കനാട് നിന്നും ഫോർട്ട് കൊച്ചിയിലേക്ക് പോവുകയായിരുന്ന ഇൻഷ ബസിലെ ജീവനക്കാരും ഫോർട്ട് കൊച്ചിയിൽ നിന്നും ചിറ്റൂരിലേക്ക് പോവുകയായിരുന്ന പൊറ്റെക്കാട് ബസിലെ ജീവനക്കാരും തമ്മിലായിരുന്നു തർക്കം ഉണ്ടായത് .

പൊറ്റെക്കാട് ബസ് ഇൻഷ ബസിൽ ഉരസിയതാണ് തർക്കത്തിന്റെ ആരംഭം . തുടർന്നുള്ള സംഘർഷത്തിൽ ജാക്കി ലിവർ കൊണ്ട് പരുക്കേറ്റ ബസ് ജീവനക്കാരൻ അനസ് ആശുപത്രിയിൽ ചികിത്സയിലാണ്. ഹാർബർ പോലീസ് സംഘർഷത്തിൽ ആറുപേർക്കെതിരെ കേസെടുത്തിട്ടുണ്ട്.