പന്ത് തട്ടി ഇനി ഇഷാൻ ജർമനിയിലേക്ക്

പെരിന്തൽമണ്ണ : ഡിഎഫ്ഐ ജർമനി സംഘടിപ്പിക്കുന്ന പരിശീലന ക്യാമ്പിലും ഫുട്ബാൾ മത്സരത്തിലും പങ്കെടുക്കാൻ വേണ്ടി പെരിന്തൽമണ്ണ സ്വദേശിയായ ഏഴാം ക്ലാസുകാരൻ ഇഷാൻ ഷാജഹാൻ . ഫുട്ബാൾ കോച്ചിങ് അക്കാദമിയായ സ്പോർട്ട്ഹുഡിന്റെ ആഭിമുഖ്യത്തിൽ കേരള ബ്ലാസ്റ്റേഴ്‌സിന്റെ ജൂനിയർ വിഭാഗമായ യങ് ബ്ലാസ്റ്റേഴ്‌സിന്റെ ഭാഗമായാണ് ഇഷാൻ ഷാജഹാന് സെലക്ഷൻ ലഭിച്ചത്. കഴിഞ്ഞമാസം പാണമ്പിയിലായിരുന്നു സെലക്ഷൻ ക്യാമ്പ് സംഘടിപ്പിച്ചത് . പെരിന്തൽമണ്ണ ഓറ ഗ്ലോബൽ സ്കൂളിൽ ഏഴാം ക്ലാസ് വിദ്യാർഥിയാണ് ഇഷാൻ ഷാജഹാൻ. ‘കരുവാരകുണ്ട് സ്വദേശി ഷാജഹാന്റെയും ഫെബിൻ അങ്ങാടിപ്പുറത്തിന്റെയും മകനാണ് ഇഷാൻ .

ജർമനിയിലെ ആറു ദിവസത്തെ പരിപാടിയിൽ മൂന്നുദിവസം പരിശീലന ക്യാമ്പും മൂന്നുദിവസങ്ങളിലായി നടക്കാൻ പോകുന്ന ആറുമത്സര ഇനങ്ങളിലാണ് ഇഷാൻ പങ്കെടുക്കുക . മേയ് 15ന് ജർമനിയിലേക്ക് യാത്ര തിരിക്കുന്ന കേരളത്തിൽ നിന്നുള്ള 20 പേരിൽ ഒരാളാണ് ഇഷാൻ . കേരള ബ്ലാസ്റ്റേഴ്‌സിന്റെ കീഴിലുള്ള യങ് ബ്ലാസ്റ്റേഴ്സിൽ അംഗo കൂടിയാണ് നിലവിൽ ഇഷാൻ. ടൊർണാഡോസ് സ്കേറ്റിംഗ് ക്ലബിലെ അംഗമായ ഇഷാൻ നിരവധി ജില്ലാ സംസ്ഥാന മത്സരങ്ങളിൽ പങ്കെടുത്ത് സമ്മാനങ്ങൾ വാരികൂട്ടിയിട്ടുണ്ട് .