സംവിധായകൻ ബിജു വട്ടപ്പാറ അന്തരിച്ചു

കൊച്ചി:  സംവിധായകനും എഴുത്തുകാരനുമായ ബിജു വട്ടപ്പാറ (54) കുഴഞ്ഞുവീണ് മരിച്ചു. മൂവാറ്റുപുഴയിൽ അഭിഭാഷകനെ കാണാനെത്തിയപ്പോൾ കുഴഞ്ഞുവീണതിനെ തുടർന്ന് ബിജുവിനെ ആശുപത്രിയിലേയ്ക്ക്
കൊണ്ടുപോകും വഴിയായിരുന്നു മരണം ,

സുരേഷ് ഗോപി നായകനായ രാമരാവണൻ, സ്വന്തം ഭാര്യ സിന്ദാബാദ് തുടങ്ങിയ സിനിമകളുടെ സംവിധായകനാണ് ബിജു . കലാഭവൻ മണി നായകനായ ‘ലോകനാഥൻ ഐ.എ.എസ്.’, ‘കളഭം’ എന്നീ സിനിമകൾക്ക് തിരക്കഥയെഴുതിയിട്ടുണ്ട് . ചക്കരവാവ, വെളുത്ത കത്രീന, ശംഖുപുഷ്പം എന്നീ നോവലുകളും രചിച്ചു. നോവലുകൾ പിന്നീട് സീരിയലുകളായി. ഇടവഴിയും തുമ്പപ്പൂവും എന്ന കവിതാ സമാഹാരത്തിന് കടവനാട് കുട്ടികൃഷ്ണൻ സാഹിത്യ പുരസ്‌കാരം ലഭിച്ചിട്ടുണ്ട് . കേരള ഗ്രന്ഥശാലാ സംഘം സംസ്ഥാന കൗൺസിൽ അംഗമായിരുന്നു ബിജു .മൃതദേഹം മൂവാറ്റുപുഴ താലൂക്ക് ആശുപത്രിയിലാണ് . ഒക്കൽ വട്ടപ്പാറ വീട്ടിൽ രവി(ദേവൻ)യുടെ മകനാണ്. മകൾ: ദേവനന്ദന. സംസ്‌കാരം പിന്നീട്.