മുട്ടനാട് ലേലം; ലഭിച്ചത് 2,33,000 രൂപ

സേനാപതി : 10 കിലോഗ്രാം ഭാരമുള്ള മുട്ടനാടിനു ലേലത്തിലൂടെ ലഭിച്ചത് 2,33,000 രൂപ .മണിതൂക്കാംമേട് ശ്രീമഹാദേവ ക്ഷേത്രത്തിലെ പുനഃപ്രതിഷ്ഠാ ഉത്സവത്തോടനുബന്ധിച്ച് ഭക്തൻ ക്ഷേത്രത്തിലേക്ക് സമർപ്പിച്ച മുട്ടനാടിനെയാണ് വൻതുകയ്ക്കു ലേലം വിളിച്ചത് .

ഞായറാഴ്ച നടത്തിയ ലേലത്തിൽ മുട്ടനാടിന് 2,16,000 രൂപ ലഭിച്ചിരുന്നു . ആടിനെ ലേലത്തിൽ വാങ്ങിയ ആൾ അതിനെ വീണ്ടും ക്ഷേത്രത്തിനുവേണ്ടി നൽകി. തുടർന്ന് ആ ലേലം ഇന്നലെ നടത്തിയപ്പോൾ 17,000 രൂപ അധികമായി ലഭിക്കുകയായിരുന്നു