മരം വീണു, റോഡ് ഗതാഗതം തടസപ്പെട്ടു

എരുമേലി : കാറ്റിൽ എരുമേലി – റാന്നി റോഡിൽ കനകപ്പലം കരിമ്പിൻതോട് വനമേഖലയിൽ റോഡിലേക്ക് മരം വീണ് ഗതാഗതം തടസ്സപ്പെട്ടു. ഇന്നലെ വൈകിട്ട് 5 മണിക്കാണ് സംഭവം. റോഡിനു കുറുകെ മരം വീഴുകയായിരുന്നു. തുടർന്ന് ഏറെ സമയം റോഡിലൂടെ ഗതാഗതം തടസ്സപ്പെട്ടു. പിന്നീട്‌ നാട്ടുകാരും അഗ്നിരക്ഷാസേനയും ചേർന്ന് മരങ്ങൾ വെട്ടിമാറ്റിയതിന് ശേഷം ഗതാഗതം പുനഃസ്ഥാപിച്ചു.