14 വയസുകാരിയെ പീഡിപ്പിക്കാൻ ശ്രമിച്ച സൈനികൻ അറസ്റ്റിൽ

പത്തനംതിട്ട: 14 വയസ്സുകാരിയെ പീഡിപ്പിക്കാൻ ശ്രമിച്ച കേസിൽ സൈനിക ഉദ്യോഗസ്ഥൻ അറസ്സിൽ.  തിരുവല്ല നന്നൂർ പുത്തൻകാവ് മലയിൽ വാഴയ്ക്കാമലയിൽ എസ്. രതീഷ് (40) ആണ് അറസ്റ്റിലായത്. മദ്രാസ് റെജിമെന്റിലെ നായിക് സുബൈദാറാണ് രതീഷ്. ശനിയാഴ്ച രാവിലെ 10 മണിയോടെയാണ് കേസിന് ആസ്പദമായ സംഭവം നടന്നത്.

വെള്ളം കുടിക്കാനെന്ന വ്യാജേന ഒരു വീട്ടിൽ കയറി പെൺകുട്ടിയെ കയറിപ്പിടിക്കുകയായിരുന്നു. കുതറി മാറാൻ ശ്രമിച്ച കുട്ടിയെ ഇയാൾ വീണ്ടും ബലമായി ഉപദ്രവിച്ചു.ഇയാളുടെ കൈത്തണ്ടയിൽ കടിച്ച് പിടിവിടുവിച്ച ശേഷം പെൺകുട്ടി അയൽ വീട്ടിൽ എത്തി വിവരം പറയുകയായിരുന്നു. തുടർന്ന് അയൽവാസികൾ ചേർന്ന് തടഞ്ഞുവെച്ച രതീഷിനെ തിരുവല്ല പൊലീസിനെ കൈമാറുകയായിരുന്നു. പോക്സോ പ്രകാരം ​കേസെടുത്തിരിക്കുകയാണ്. പ്രതിയെ റിമാന്‍ഡ്‌  ചെയ്തു