ക്രിസ്മസ് തലേന്ന് യുവാവിനെ ആക്രമിച്ചതിന് കരോൾ സംഘത്തിലെ മൂന്ന് പേർ അറസ്റ്റിൽ

ക്രിസ്മസ് തലേന്ന് യുവാവിനെ ആക്രമിച്ചതിന് കരോൾ സംഘത്തിലെ മൂന്ന് പേർ അറസ്റ്റിൽ. ഞായറാഴ്ച വൈകീട്ട് താമരക്കുളം സ്വദേശി റെജിയെ (33) ആക്രമിച്ച കേസിൽ മാന്നാർ സ്വദേശി അർജുൻ (19), പാവുക്കര സ്വദേശി വിജയകിരൺ (19), വിഷവാരശ്ശേരിക്കര സ്വദേശി അശ്വിൻ (18) എന്നിവരെ പൊലീസ് അറസ്റ്റ് ചെയ്തു.

ബന്ധുവീട്ടിൽ പോയ സമയത്താണ് റെജിക്ക് നേരെ ആക്രമണമുണ്ടായത്. അതേ സമയം, റോഡരികിൽ ഒരു കരോൾ സംഘം തമ്മിൽ വഴക്കുണ്ടായി. റെജി മധ്യസ്ഥത വഹിക്കാൻ ശ്രമിച്ചപ്പോൾ പ്രതികൾ മർദ്ദിച്ചു. തലയ്ക്കും കണ്ണിനും പരിക്കേറ്റ ഇയാളെ പിന്നീട് വണ്ടാനം മെഡിക്കൽ കോളേജിൽ പ്രവേശിപ്പിച്ചു.