ലിങ്കിൽ ഇപ്പോഴും ബിജെപിക്കാരൻ; അതൊന്നും വലിയ കാര്യമായി കാണുന്നില്ലെന്ന് സന്ദീപ് വാര്യർ

കോട്ടയം: ബിജെപി പാളയത്തിൽ നിന്നും കോൺഗ്രസിലേക്ക് ചേക്കേറിയ സന്ദീപ് വാര്യർ കഴിഞ്ഞ ദിവസങ്ങളിൽ എല്ലാം സോഷ്യൽ മീഡിയയിൽ വൈറലായി മാറിയിരുന്നു. കൂടുമാറ്റത്തിന് പിന്നാലെ സന്ദീപ് വാര്യർ ഫേസ്ബുക്ക് അക്കൗണ്ടിന്റെ ബയോ തിരുത്തി കോൺഗ്രസ് പ്രവർത്തകൻ എന്ന് മാറ്റിയതും വാർത്തയായി. പക്ഷേ ബയോ മാറിയെങ്കിലും സന്ദീപ് വാര്യരുടെ ഫേസ്ബുക്ക് അക്കൗണ്ടിന്റെ ലിങ്കിൽ അദ്ദേഹം ഇപ്പോഴും ബിജെപിക്കാരൻ തന്നെയാണ്. അതുകൊണ്ടുതന്നെ ഈ ലിങ്ക് ചൂണ്ടിക്കാട്ടിയാണ് ഇപ്പോൾ ചർച്ചകൾ പുരോഗമിക്കുന്നത്. പാർട്ടി മാറിയതിനൊപ്പം പുതിയ അക്കൗണ്ട് തുടങ്ങേണ്ടി വരുമോ എന്നാണ് പലരും ഉയർത്തുന്ന ചോദ്യം